Mavzu: Ekologik risklarni baholash va boshqarish. Reja

Ekspert baholash usuli.

Bu usul riskni tahlil qiluvchi iqtisodchi (ekspert)ning malaka darajasiga asoslanadi.bank riski aniqlanganida bankning o`zidagi va bo`lish ehtimoli bo`lgan yo`qotishlar va ularning davr oralig`ini aniqlab olmoqlari lozim. Bu oraliqni aniqlash ham risk darajasini kamaytirishga yordam beradi.

2. 
   Zararsizlik nuqtasi (sezgirlik) tahlili.
   

Zararsizlik miqdori – firma foyda olishni boshlashidan oldin sotishi lozim bo’lgan mahsulot miqdori.
Kichik korxonalar ham, yirik korxonalar ham zararsizlik tahlilidan ikki sababga ko’ra foydalanishadi: u sodda tasavvurlarga asoslanadi va korxonalar zararsizlik modelidan olingan ma’lumot qaror qabul qilish shart bo’lgan vaziyatlarda qo’l keladi deb hisoblaydilar. Zararsizlik tahlili firma ishlab chiqaradigan mahsulotning zararsizlik miqdorini aniqlashda ishlatiladi. Xo’sh, mahsulotning zararsizlik miqdori nimani anglatadi? U mahsulotning absolyut (mutlaq) miqdori bo’lib, u firma daromadlarining (yoki soliqlar va foizlar to’langungacha daromad) nolga teng bo’lishini ta’minlaydi. Boshqacha qilib aytganda, zararsizlik tahlili tahlilchiga barcha
Xarajatlarni qoplash uchun qancha miqdorda mahsulot ishlab chiqarish kerakligini aniqlashdava turli ishlab chiqarish hajmlari orqali ishlab topiladigan soliqlar va foizlar to’langungacha daromadni hisoblashdayordam beradi.
Zararsizlik modelining asosiy elementlari
Zararsizlik modelini qo’llash uchun biz kompaniya ishlab chiqarish xarajatlarini ikki o’zaro bog’liq bo’lmagan kategoriyalarga ajratishimiz kerak bo’ladi: o’zgarmas xarajatlar va o’zgaruvchan xarajatlar. Siz bunda iqtisodiyot nazariyasida o’rganganingiz – uzoq muddatli davrda barcha xarajatar o’zgaruvchan bo’lishini xotirlaysiz. Shuning uchun ham zararsizlik tahlili qisqa muddatli davr uchun mo’ljallangan.

1-rasm. Umumiy, o`zgarmas va o`zgaruvchan xarajatlarning mos mahsulot hajmiga nisbatan o`zgarishi. ⁴
Ishlab chiqarish jarayonidagi ayrim o’ziga xos o’zgarmas xarajat namunalari quyidagilar:
1. Boshqaruv xodimlari ish haqi;
2. Amortizatsiya;
3. Sug’urta;
4. Vaqtli reklama dasturlariga sarflanadigan ulgurji xarajatlar;
5. Mol-mulk soliqlari;
6. Ijara;
Mahsulot birligining sotuv narxi mahsulot birligiga to’g’ri keluvchi o’zgaruvchan xarajatdan oshguniga qadar o’zgarmas xarajatlarni moliyalashtirish uchun ajratma ajratib qo’yish kerakligini anglatadi. Bu nima sababdan ba’zi firmalar savdo hajmi tushib ketgan hollarda ham ishlab chiqarishni davom ettirishlarini tushuntirishga yordam beradi: bu orqali ular o’zgarmas xarajatlarni qoplashga harakat qiladilar.
O’zgarmas xarajatlarning ba’zi ko’rinishlari quyidagilar:
1. Ish haqi;
2. Xom-ashyo va materiallar;
3. Ishlab chiqarish bilan bog’liq energiya xarajatlari (yoqilg’i, elektr, tabiiy gaz);
4. Zavoddan chiqib ketuvchi mahsulotlar uchun tashish xarajatari;
5. Qadoqlash;
6. Sotish uchun komission to’lovlar.
1-rasmda jami xarajatlarning kompaniyaning mos ishlab chiqarish hajmiga nisbatan o’zgarishi tasvirlangan. Jami xarajatlar firmaning o’zgarmas va o’zgaruvchan xarajatlari yig’indisidir. Riskni minimallashtirish maqsadida kreditor kredit berishdan oldin riskni aniqlashga harakat qiladi. Kredit risklari tarkibiga quyidagi risklarni kiritish mumkin:
1. Kreditni o`z vaqtida qaytarmaslik bilan bog`li` risk. Bu risk qarz oluvchining kredit shartnomasining shartlarini bajarmasligi bilan bog`liq.
2. Likvidlik riski (to`lovlarning muddatida o`tkazmaslik), bu risk kreditni va foizlarni muddatida qaytara olmaslik natijasida bank likvid mablag`larining kamayishiga olib kelishi bilan boglik.
3. Kreditni ta`minlash bilan bog`lik risk, bu riskni alohida ko`rib bo`lmaydi, balki bu kreditni qaytarmaslik bilan bog`lik bo`lgan risk bilan birgalikda o`rganiladi. Bu risk turi kredit uchun qo`yilgan garovni sotishdan tushgan mablag` ajratilgan kreditni qoplash uchun yetarli emasligi bilan bog`liqdir, natijada bank o`z talabini to`la qondira olmaydi.
4. Qarz oluvchining ishbilarmonligi bilan bog`liq risklar. Bu risk korxonaning ish faoliyati bilan bog`liq bo`lib (sotib olish, ishlab chikarish va sotish), ammo boshqa risklardan farqli o`laroq bu riskka korxona raxbari bilan bog`liq bo`lmagan omillar ta`sir ko`rsatadi, masalan tarmoqning rivojlanishi va kon`yukturasi. Bu riskning hajmini investitsion dastur va ishlab chiqaradigan mahsulot turi va sifati belgilaydi.
5. Kapitalning tarkibiy qismi bilan bog`lig` risklar. Bu risklar passivlarning tarkibiy qismi va ishbilarmonlik riski bilan bog`liq.
Bank kredit riskining darajasi quyidagi omillarga bog`liq:
• bank kredit faoliyatining ma`lum bir sohada markazlashuvi darajasi;
• o`ziga xos ma`lum qiyinchiliklarni boshidan kechirayotgan mijozlarga kredit va boshqa bank xizmatlarining qancha to`g`ri kelishi;
• kam o`rganilgan, yangi, noan`anaviy sohalarda bank faoliyatining markazlashuvi;
• kredit berish, qimmatli qog`ozlar portfelini shakllantirish bo`yicha bank siyosatiga xususiy va jiddiy o`zgarishlar kiritish;
• yangi va yaqinda jalb qilingan mijozlarning foizi;
• qisqa vaqt ichida amaliyotga juda ko`p hizmatlarning kirgizilishi (u vaqtda bankda salbiy talablar ko`payishi mumkin);
• bozorda sotilishi qiyin bulgan qimmatliklarni yoki qiymati tez tushadigan narsalarni garov sifatida qabul qilib olish va boshqalar.
Kredit risklarini baholashning besh asosiy o`lchovi mavjud:
A) reputatsiya. Mazkur jarayon shaxsiy muomala, ham shaxsiy, ham ish bo`yicha tajribasidan iborat bo`lishi kerak (kreditor, maxsulot yetkazib beruvchilar va mijozlarni tekshirish).
B) imkoniyatlar. Qarz oluvchining o`zining barcha operatsiyalari bo`yicha (o`zining butun faoliyati davomida qarz oluvchining olgan pullari) yoki aniq loyiha bo`yicha mablag` olish qobiliyati va pul vositalarini boshqarish qobiliyati (bu avvalgi loyihalardan ma`lum bo`lishi kerak).
V) kapital. Qarz oluvchi loyiha xavfi mas`uliyatini kredit beruvchi bank bilan birga o`z zimmasiga olishi, o`zining xissadorlik kapitalining qabul kilinishi mumkin bo`lgan qismini takdim etib, o`ziga tegishli bo`lgan majburiyatlarni o`z zimmasiga olishi kerak.
G) shart-sharoitlar. Mahalliy, hududiy va umummilliy iqtisodning joriy ahvoli va tavsifi, shuningdek qarz oluvchvi xo`jaligining sohalari.
D) garov. Kreditni garov yoki kafillik shaklida ishonchli ta`minlash boshqa tomondan kuchsizliklarni yo`qqa chiqarib kuyadi. Yaxshi bir qoida bor: faqat garov va kafillik asosida xech vaqt kredit bermang.
Xalqaro amaliyotda kredit risklarini baholash uchun bir qancha me`yorlar qo`yilgan. Bular quyidagilardan iborat:

1. 
   Bitta qarzdor uchun risk darajasining maksimal qiymati:
   

Bu yerda: k_m - bitta qarzdorning kreditlar bo`yicha majburiyatlarining yig`indisi;