Mavzu: Hamshiralik ishi va salomatlik. Reja. Hamshiralik ishi faniga kirish

Tibbiyot hamshirasi va bemor huquqlari 
Tibbiyot hamshirasi bemoming obro‘si va qadr-qimmatiga nisbatan hurmat bilan munosabatda 
bo‘ladi. Tibbiyot hamshirasi bemorga qo‘lidan kelgan hamma chora-tadbirlar vositasida ko‘mak 
beradi. 
Bemor davo olish davrida zarur bo‘lsa davolanish muassasasini, o‘zini parvarish qilayotgan 
tibbiyot hamshirasini tanlashi mumkin. 
Ehtiyoj tug‘ilganda bemor o‘z oila azolari, qarindoshlari, do‘stlari va diniy shaxslar tomonidan 
madad yordami olishga haqli. 
Tibbiyot hamshirasi eng avvalo hamshiralik parvarishi talab qiluvchi bemorlar oldida 
javobgardir. 
Tibbiyot hamshirasi bemor shaxsiga tegishli bo‘lgan axborot va ma’lumotlarni sir saqlaydi va 
agar uni biron kishiga bildirishi zarur bo‘lsa, u holda oqilona ish tutmog‘i lozim. 
Tibbiyot hamshirasi bemorni davolash uchun qo‘llaniladigan usullarni aytib, uning roziligini 
oladi. Bemor o‘z navbatida unga qilinayotgan muolaja yoki davolash ishlarini rad etishi mumkin. 
Tibbiyot hamshirasi bemorning kasalligi, davolanishi, kasallik tashxisi to‘g‘risidagi 
ma’lumotlarni sir saqlaydi, bemorni davolayotgan vrach sirlarini oshkor qilmaydi. 
Tibbiyot hamshirasi o‘zining kasbdoshlari bilan hamshiralik ishi va boshqa sohalar bo‘yicha 
hamkorlikda ish olib boradi. 
Tibbiyot hamshirasi bemorni himoya qiladi, agar uning sog‘lig‘iga biror xodim yoki boshqa 
kishi tomonidan xavf tug‘dirilsa, darhol zarur bo‘lgan choralarni ko‘radi. 
Tibbiyot hamshirasi va jamiyat 
Tibbiyot hamshirasi ixtisoslashgan tibbiyot muassasalarida ishlayot- ganida o‘z xulq-atvori 
bilan hamshira kasbiga atrofdagilaming hurmat bilan qarashini ta’minlashga o‘z hissasini 
qo‘shadi. 
Tibbiyot hamshirasi o‘zining bilimi va burchi doirasida javobgarlikni his qilgan, vakolatni 
o‘ziga olgan holda ish tutadi. 
Tibbiyot hamshirasi har qanday vaziyatlarda ham hamshiralik parvarishini eng yuqori 
mezonlar darajasida ta’minlaydi. 
Tibbiyot hamshirasi shaxsiy javobgarlikni his etgan holda o‘z mutaxassisligi bo‘yicha bilimini 
doimiy ravishda yangilab boradi. 
Tibbiyot hamshirasi kasbiga taalluqli tashkilotlar orqali hamshiralar ijtimoiy-iqtisodiy 
himoyasi, ishlash sharoitini yaxshilash yuzasidan o‘z fikr-mulohazalarini bildirib boradi. 
O‘z navbatida bemor ham sog‘liqni saqlash ishlarini yaxshilash bo‘- yicha o‘zi davolanayotgan 
muassasada o‘z takliflarini berishi mumkin. 
Statsionarda yuritiladigan asosiy hujjatlar 
 
Statsionarlarda hujjatlarni yuritish tibbiyot xodimidan katta mas’u- liyat talab qiladi. Chunki 
har bir hujjat bemor haqida ma’lumot beruvchi asosiy manba bo‘lib, kasallikning kechishi, bemor 
ahvolidagi o‘zgarishlar, olib borilayotgan muolajalar va boshqalar haqida aniq va to‘g‘ri xulosalar 
chiqarishda yordam beradi. 
Statsionarda yuritiladigan barcha hujjatlar yuridik ahamiyatga ega bo‘lib, unga o‘zgartishlar 
kiritish aslo mumkin emas. 

---

Statsionardagi hujjatlar bemor kasalxonadan chiqib ketgach, maxsus bo‘lim — tibbiy-statistika 
xonasiga topshiriladi va u yerda belgilangan muddatgacha saqlanadi. Ushbu bo‘lim yoki xonada 
kasalxonadagi barcha hisobotlar ham olib boriladi. 
Statsionarda yuritiladigan asosiy hujjatlardan ayrimlari haqida ma’lumot keltiramiz. 
1. 
Statsionarda bemorning kasallik tarixi quyidagilardan iborat: a) hujjat qismi; b) bemorning 
shikoyatlari; uning turmush tarzi va hozirgi kasallik tarixi; d) uni tekshirish (ko‘zdan kechirish, 
paypaslab ko‘rish, tukillatib va eshitib ko‘rish) natijalariga ko‘ra hozirgi ahvoli haqida 
ma’lumotlar; g) kundalik; e) davolashning yakuni va uning natijalari, xulosa (epikriz). 
Kasallik tarixining hujjat qismini to‘ldirish tibbiyot hamshirasining vazifasi hisoblanadi, unda 
bemorning ismi-sharifi, uning jinsi, manzili, kasbi va ish joyi, kasalxonaga keltirilgan kuni va 
vaqti yozib qo‘yiladi. Bundan tashqari, tibbiyot hamshirasi laboratoriya va boshqa tekshiruv- 
larning natijalarini xronologik tartibda kasallik tarixiga muntazam tikib borishi shart. Shifokor 
o‘lchashni tayinlaganda hamshira bemorning haroratini, sutkalik balg‘am miqdorini har kuni 
yozib boradi, har haftada sanitariya tozalovi qilingan kunni yozib qo‘yadi va harorat varaqasini 
to‘ldiradi. Hamshira shifokor ko‘rsatmalarini yoki haroratni yozayot- ganida kasallik tarixi o‘z 
joyida turganligini tekshirishi lozim. 
Kasallik tarixi tibbiyot hamshirasi postidagi qulflanadigan qutida saqlanadi. Bemorga uning 
kasallik tarixini berish, unga kasalligi yoki laboratoriya tekshiruvi natijalari to‘g‘risida 
ma’lumotlarni ko‘rsatish man etiladi. Bo‘limdagi kasallik tarixining yo‘qolishi jinoiy ish hisob-
lanadi va aybdor qonun bo‘yicha jazolanadi. Shuning uchun tibbiyot hamshirasi kasallik tarixini 
ehtiyotkorlik bilan saqlashi kerak