Mavzu: innovatsion strategiyani shakllantirish va turizm sohasida innovatsion g’oyalarni amalga oshirish

Bitiruv malakaviy ishining maqsadi Iqtisodiyotning transformatsiyalashish sharoitida turizm sohasi mohiyatini tavsiflovchi nazariy yondashuvlarni ilmiy jihatdan tahlil etish, turizm sohasida innovatsion faollikning shakllanishi va rivojlanishining xususiyatlari va omillarini aniqlash hamda turizm sohasida innovatsion faollikning rivojlanish darajalari bo’yicha takliflar ishlab chiqishdan iborat. Turizmdagi innovatsiyalarning mohiyati va mazmunini aniqlash uchun muhim hisoblangan va ushbu maqsadga erishish uchun quyidagi vazifalar qo’yilgan:

• 
  G’oyaning manbai bo’lgan turistlarning ehtiyojlari, kashfiyotlar, ixtirolarni ilmiy jihatdan o’rganish;
  
• 
  Innovatsiya turi ya’ni turizm infratuzilmasi,turistik mahsulot,turistik mahsulotlarni va xizmatlarni taqsimlash usullari va vositalari, ishlab chiqarish omillarini nazariy tarafdan o’rganish;
  
• 
  Turizm sohasidagi innovatsiyalarga sifat jihatdan yangilikka ega bo’lgan va hududda sohaning barqaror faoliyat yuritishi va rivojlanishi haqida xulosalar chiqarish;
  
• 
  Turizmda innovatsiyani rivojlanishini ta’minlovchi ijobiy o’zgarishlarga olib keladigan tizimli hodisalar haqida aniqlash;
  
• 
  Turizm tashkilotlari,hududdagi mahalliy davlat hokimiyati organlari tomonidan qo’shimcha qarorlar qabul qilinishining nazariy va amaliy tarafdan aniqlash
  
• 
  Orolbo’yi mintaqasidagi innovatsion g’oyalarni amalga oshirishda unga ta’sir etuvchi omillarni hududiy yondashuv asosida baholash.
  

Bitiruv malakaviy ishining obyekti sifatida turistik mahsulot yoki xizmatlar,korxona va tashkilotlar, biznes jarajoni,turizm resurslari,dam olish turizm sohasidagi korxona va tashkilotlar,shu jumladan hokimiyat organlari,tadbirkorlik tuzilmalari va davlat sektori tashkilotlari olingan.
Bitiruv malakaviy ishining predmeti turizm sohasida innovatsion faoliyatda obyektni o’zgartirish bo’yicha faoliyat, o’zgaruvchan tashqi muhitga moslashishni va unga ta’sir qilish imkoniyati ham hisoblanadi.