Mavzu: jismoniy madaniyatning jamiyatdagi vazifalari va shakllari

JISMONIY MADANIYATNING VAZIFALARI
Jismoniy madaniyatning maxsus vazifasi
Jismoniy madaniyatning umumiy vazifasi
Ta’lim va tarbiya vazifasi
Amaliy vazifasi
Sport vazifasi
Rekriativ va sog’lomlashtirish-reabilitatsiya vazifasi
Estetik vazifasi
Normativ vazifasi
Axborot vazifasi
Seminar mashg’uloti uchun topshiriq!
Jismoniy madaniyatning qanday vazifalari mavjud?



Jismoniy madaniyatning maxsus vazifalari deganda, madaniyatning boshqa turlariga taalluqli bo’lmagan, alohida xususiyatga ega bo’lgan vazifalar tushuniladi. Bular uni ko’rinishlari va har xil turlarini xususiyatiga qarab bo’linadi. Umuman jismoniy madaniyatga xos bo’lgan hamma yoki ko’pgina turlarini birlashishi sharoitida amalga oshiriladigan vazifalarni hamda ayrim bo’limlarga, ko’rinish va har xil turlariga taalluqli o’ziga xos vazifalarni ajratish mumkin. Jismoniy madaniyatning maxsus vazifalari kishini harakat faolligini tabbiiy talabini qondirishga mo’ljallangan bo’lib, shu asosda organizmni jismoniy holati va rivojlanishini, sog’liqni mustahkamlash qonuniyatlariga binoan optimal darajaga keltirish va hayotda kerak bo’ladigan jismoniy ish qobiliyatini ta’minlashdan iboratdir.
Inson organizmining yashashi, me’yorda ishlashi va rivojlanishi uchun harakat faolligi bo’lishi va unga kerakli sharoitlar yaratilishi shart. Agarda harakat faolligi olib tashlansa, yoki minimum miqdorgacha pasaytirilsa, kishi organizmi yomon oqibatlarga tushib qoladi. Buyuk donishmand Aristotel bejizga “Inson organizmini hech narsa uzoq vaqt jismoniy harakatsizlikdek darmonini quritishi va yemirishi mumkin emas” demagan. Bizning davrimizda ishlab chiqarish jarayonini mexanizatsiyalash, avtomatlashtirish, kompyuterlashtirish kishini harakat faoliyatining asosiy sohasini harakat faolligi hajmini kamaytirib, asr kasali gipodinamiyani yaratdi.
Jismoniy madaniyatni har kungi turmushga muntazam ravishda singdirish ishlab chiqarish gipodinamiyasining yomon ta’sirini yo’qotadi, jismoniy sifatlarni rivojlantirib, insonni har tomonlama kamol toptirishga yo’naltiriladi.