Mavzu: Kimyo darslariga innovatsion va axborot tеxnologiyalarini joriy qilish mеtodikasini ishlab chiqish

Pinbord

• Bu o’qitish metodining mohiyati shundan iboratki, unda munozara yoki o’quv suhbati amaliy usul bilan bog’lanib ketadi. Uning afzalligi rivojlantiruvchi va tarbiyalovchiligidadir. Bu usulda o’quvchilarda muloqot yuritish va munozara olib borish madaniyati shakllanadi, o’z fikrini faqat og’zaki emas, balki yozma ravishda bayon etish mahorati, mantiqiy va izchil fikr yuritish ko’nikmasi rivojlanadi.

Muammoli o’qitish metodi

• Bu usul - o’quvchilarga muam­moli vaziyatlarni va ularning bilish faoliyatini kuchaytirishga asoslangan. Usulning yo’nalishi vaziyatni aniq tahlil qilish, baholash va keyinchalik qaror qabul qilishdan iborat.
• Usulning yetakchi funksiyalari:
• - o’rgatuvchi: bilimlarni faollashtiradi rivojlantiruvchi: tahliliy tafakkurni, alohida faktlar orqasidagi hodisa va qonuniylikni ko’ra bilishni shakllantiradi;
• - tarbiyalovchi: kommunikativ ko’nikmalar hosil qiladi.
• Muammoli vazifalardan foydalanish usuli mavzuning dolzarbligini oshiradi, nazariyani amahyot bilan bog’lashga imkon yaratadi.
• Muammoli vazifalar usuli o’quvchilarning mustaqil ishlarini mukammallashtiradi. Ilmiy tushunchalar, amaliy ko’nikma va malakalarni shakllantirish asosida berilgan materialni chuqur mantiqiy tahlil qilishga yordam beradi.
• Muammoli vazifa hayotdan olingan faktlarni. Ma’ruza va vaziyatni o’rganishdan, odamlar yoki ayrim tashkilotlarning manfaatlarini ko’zlashdan iborat bo’lishi mumkin. Shunday bo’lsa ham, vazifa o’quvchilarga taklif etilgan muammo ko’rinishida bo’lishi lozim.
• Agar siz shu usuldan foydalanishga qaror qilgan ekansiz, avvalambor, muammoli vaziyatlarni yaratish usullari bilan tanishib chiqishingizni maslahat beramiz:
• -siz o’quvchilarni qarama-qarshilik tomon olib borasiz va uning yechimini mustaqil ravishda o’zlari topishlarini taklif etasiz;
• -amaliy faoliyatda duch keladigan qarama-qarshiliklarni ma’lum qilasiz;
• -bir savolga turli nuqtayi nazardan yondashishni bayon qila­siz;
• -o’quvchilarga hodisani turli vaziyat (yoki shaxs nuqtayi nazaridan) orqali ko’rib chiqishni taklif etasiz (masalan, huquqshunos, moliyachi, o’qituvchi va h.k.);