Mavzu: Korporativ madaniyat va korporativ nizolar

Ichki korporativ nizolar korporativ munosabatlar ishtirokchilari, ya ’ni korporativ tuzilm aning aksiyadorlari,boshqaruv organlari, menejerlari o'rtasidagi nizolarni anglatadi va mantiqan korporativ tuzilma miqyosida yuzaga keladi. Ichki korporativ nizolarni ishtirokchilariga ko'ra ham guruhlash mumkin. Bunda aksiyadorlar guruhlari o'rtasida, masalan majoritar va minoritar aksiyadorlar o‘rtasidagi nizolarni alohida ko'rsatish mumkin. Aksiyadorlar va boshqaruvchilar o'rtasidagi nizolarda bosh direktor va nazorat paketiga ega bo'lmagan aksiyadorlar o‘rtasidagi nizolar alohida ajratib ko'rsatiladi. Bunday nizolar ko'proq majoritar aksiyadorlar mayjud bo'lmagan aksiyadorlik jamiyatlarida kuzatiladi.

Tashqi korporativ nizolar esa davlat, potentsial investorlar, boshqaruv organlari va boshqalar o'rtasida yuzaga keladigan nizolarni qamrab oladi. Tashqi korporativ nizolarda aksiyadorlik jamiyati hamda tashqi subyektlar o'rtasidagi nizoli vaziyatlarga guvoh bolish mumkin. Bunda davlat nazorat organlari va aksiyadorlik jamiyati o'rtasidagi nizolarda davlat organlari tomonidan ma’lum shartlar qo'yilishi natijasidagi nizolar ham ajratib ko'rsatiladi.

Quyidagi turdagi korporativ nizolar ham mavjud:

1.

• Qonunchilik me’yorlarining buzilishi bo’yicha nizolar- korporativ huquq me’yorlari va jarayonlarini tasodifan buzish bilan bog’liq bo’lib, aksiyadorlar tomonidan ularning manfaatlariga tajovuz sifatida qabul qilinadi.

2.

• Qo’shib olish bo’yicha nizolar – aksiyadorlar guruhi (chetdan investor)ning korxona ustidan nazorat o’rnatish jarayonida yuzaga keladigan nizolar.

3.

• Dividendlar bo’yicha nizolar – yirik va mayda aksiyadorlar o’rtasida korxona foydasidan foydalanish borasida yuzaga keladigan nizolar.

4.

• . Menejerlar bilan nizolar – aksiyadorlik jamiyatining menejerlari va aksiyadorlar o’rtasida kompaniyani boshqarish samaradorligi va menejerlar harakatlari vijdonanligi bo’yicha yuzaga keladigan nizolar.

5.

• Raqobat bo’yicha nizolar– aksiyadorlik jamiyatining moliyaviy holati va raqobatbardoshligiga putur yetkazishga yo’naltirilgan nizolar.