Mavzu: Musiqa o’qitish metodikasi fanida birinchi sinf o‘quvchilarining umumiy pedagogik va musiqiy tavsifnomasi

Boshlang‘ich sinflarda o‘quvchilar musiqa madaniyati fani bo‘yicha quyidagi bilim, ko‘nikma va malakalarni egallashlari shart:

• 
  musiqa badiiy san’at ekanligini bilishlari, kuyga tavsif bera olish;
  
• 
  xalq musiqa merosi haqida tushunchaga ega bo‘lish;
  
• 
  cholg‘u asboblarini bilish va tovush tembrlaridan ularni farqlay olish;
  
• 
  musiqaga oid oddiy atamalarni bilish;
  
• 
  nota yozuvlarini bilish va amalda qo‘llay olish;
  
• 
  birgalikda va yakka holda kuylay olish;
  
• 
  musiqaning ifoda vositalarini bilish;
  
• 
  ijrochilik turlarini ijro sadolaridan farqlay olish;
  

1-sinf musiqa madaniyati fanidan o‘quvchilar quyidagi bilimlarga ega bo‘lishlari kerak:

• 
  shoir va bastakorlarni bir-biridan farqi haqida tushunchaga ega bo‘lish;
  
• 
  musiqaning badiiy tavsifi, ya’ni quvnoq, sho‘x, g‘amgin kabilarni bilish;
  
• 
  musiqaning tasviriy tavsifi, ya’ni tabiat, o‘yin, ertak, xazil, o‘yinchoqlar qiyofalari, kundalik hayot haqida tushunchaga ega bo‘lish;
  
• 
  nota chizig‘i, skripka kaliti, yetti tovush haqida umumiy tasavvurga ega bo‘lish;
  
• 
  musiqiy ifoda tavsifiga qarab ijro tiplari sust, sekin, o‘rta va tez suratlarda ijro etilishini bilish;
  
• 
  kuyga tavsif berish, ya’ni sekin, tez, sakramali va unda nima ifodalanganligini bilish;
  
• 
  xalq cholg‘u asboblaridan doira, rubob, nog‘ora, karnay bilan tanishish;
  

tovushlarni baland va pastligi, yuqorilashib va pastlashib borishi, uzun va qisqaligi haqida tushunchaga ega bo‘lish.

• 
  dirijyorning ishoralariga qarab kuylash.