Mavzu: O‘zbekiston gimnastikasining rivojlanish tarixi

Elvira Fuadovna Saadi- sport gimnastikasi bo’yicha mamlakatda xizmat ko’rsatgan sport ustasi (1974), jahon chempioni, bir necha bor xalqaro musobaqalar g’olibi va sovrindori (1972, 1976y), ikki marta Olimpiada chempioni, «Xalqlar do’stligi» ordeni sohibasi.
Elvira Fuadovna Saadi 1952-yil 2-yanvarda Toshkent shahrida tug’ilgan. 12 yoshida gimnastika bilan shug’ullanadi. «Dinamo» jamiyati murabbiyi Vladimir Filippovich Aksenov Elvirada gimnastlarga xos egiluvchanlik, mehnatsevar va mashq bajarishda o’ziga xos elementlarni ko’ra bildi.
1970-yili Elvira Saadi nomzodi mamlakat terma jamoasi ustozlari nazariga tushadi, yana bir yildan so’ng u mamlakat chempionatini kumush medal sovrindori bo’ldi. Mamlakat kubogida esa Elvira 5- o’rinni va xodada hamda erkin mashq bajarishda ikkita oltin medalni qo’lga kiritadi. Va nihoyat, Elvira Saadi 1972-yili Myunxenda o’tkazilgan Olimpiada o’yinlarida ishtirok etish uchun milliy olimpiada terma jamoa a’zosi. Olimpiada chempioni bo’ldi.
1974-yil Elvira jahon chempioni unvoniga sazovor bo’ldi. 1976-yil Kanadaning Monreal shahrida ikkinchi marta Olimpiada chempioni bo’ldi. 1976-yil sport sohasida katta xizmatlari uchun Elvira Fuadovna Saadi «Xalqlar do’stligi» ordeni bilan mukofotlandi.
Elvira Saadi katta sportni tark etmadi. U mamlakat va Rossiya terma jamoasining murabbiyi lavozimida ishlab keldi. Hozirgi kunda E. Saadi Kanada Olimpiada terma jamoasini xalqaro musobaqalarga tayyorlamoqda.
Oksana Aleksandrovna Chusovitina- xizmat ko’rsatgan sport ustasi, sport gimnastikasi bo’yicha turli xalqaro musobaqalar g’olibi va sovrindori. «Yaxshi niyat o’yinlari» musobaqasi g^’olibi. XXV, XXVI, XXVII Olimpiada o’yinlari chempioni, XXVIII Olimpiada o’yinlari ishtirokchisi. 1993-yilgi Jahon chempionatining bronza medali sovrindori. «Do’stlik» ordeni sohibasi,1994-yilda Xirosimo shahrida bo’lib o’tgan XII Osiyo o’yinlari bronza medali sovrindori, O’zbekistonda xizmat ko’rsatgan sport ustasi.
Oksana Aleksandrovna Chusovitina 1975-yil 19-iyunda Buxoro shahrida tug’ilgan. Oksana besh yoshidan boshlab, sport gimnastikasi sho’basiga akasi bilan qatnagan.
Ko’p o’tmasdan Oksanani murabbiy Svetlana Mixaylovna Kuznetsova o’z tarbiyasiga oladi. G.S. Titov nomli Olimpiada zaxiralari tayyorlovchi maxsus sport maktab-internatda o’qiydi. Andrey Fedorovich Rodionenko Oksanani o’z tarbiyasiga olib, uni Moskvaga, o’quv mashg’ulotlariga taklif etadi. 1990-yildan Oksana Chusovitina- sport gimnastikasi bo’yicha sobiq SSSR terma jamoasining a’zosi. Oksana o’sha yilning yozida terma jamoa tarkibida AQSHning Sietle shahrida «Yaxshi niyat o’yinlari» musobaqasida ishtirok etib, jamoa tarkibida oltin medal sohibasi bomdi. 1989-yil Oksana sport ustasi mezonini bajaradi. 1990-yilda esa xalqaro toifali sport ustasi unvoniga sazovor bomgan, 1991-yili SSSRda xizmat ko’rsatgan sport ustasi.
1992-yili Parijda o’tkazilgan Jahon chempionatida bronza medaliga erishadi. Ispaniyaning Barselona shahrida bolib o’tgan XXV Olimpiada o’yinlarida Oksana jamoa tarkibidagi yana bir o’zbekistonlik gimnast Rozaliya Galiyeva bilan birgalikda MDH (Mustaqil Davlatlar Hamdo’stligi) oltin medal sohibasi bolishdi.
1993-yil Angliyada bo’lib o’tgan Jahon chempionatida Oksana Chusovitina tayanib sakrash mashqida 9,710 ball to’plab uchinchi o’rinni egalladi. Shu yili Ispaniyada o’tkazilgan xalqaro musobaqada xodada mashq bajarish bo’yicha (9,55 ball) ikkinchi o’rin, tayanib sakrashda (9,95 ball) ikkinchi o’rin, brussda (9,65 ball) ikkinchi o’rin, erkin mashqlar bajarishda (9,72 ball) ikkinchi o’rin, natijada ko’p kurashda (38,35 ball) ikkinchi o’rinni egalladi.
Oksana Chusovitina besh Olimpiada o’yinlarida qatnashib, yuqori o’rinlarni egallagan uchun Ginnes rekordi kitobiga tushgan jahon gimnast ayollari orasida yagona sportchidir.
Oksana Chusovitina 2016 yilgida Braziliyaning Rio-de-Janeyro shahrida bo’lib o’tgan XXXI yozgi Olimpiada o’yinlarida 42-yoshli sportchimiz, 7-marta ishtirok etib, 7-o’rinni egalladi. Ushbu yangilik Olimpiada o’yinlari tarixiga zarhal bitiklar bilan bitildi.