МАВЗУ: Ўпкали моллюскалар кенжа синфи. Ботиқ кузлилар уруғи
Режа :
1.Ўтроқ кўзлилар.
2 Пояча кўзлилар.
Ўпкали (PULMONATA моллюскалар) қуруқликда ёки чучук сувда яшашга мослашган бўлиб, унинг маълум турларигина денгизларда ҳаёт кечиради. Ўпкали моллюскалар чиғаноғи спиралсимон бўлиб, бир қанча-конусимон, цилиндрсимон, гумбазсимон ва бошқа формаларга эга. Ўпкали моллюскаларнинг характерли хсусиятларидан бири ктенидий жабралари йўқолган бўлиб, мантия бўшлиғининг ўзгариб нафас олиш органи—ўпкага айланганлигидадир. Товонининг олдинги қисмида шилимшиқ бези жойлашган. Без суюқлиги товонини ҳўллаб туради. Моллюска ана шу шилимшиқ модда ҳосил қиладиган юпқа парда устида сирпаниб ҳаракат қилади. Ўпкали моллюскалар ичида ўсимлик билан озиқланадиган турлари билан бир қаторда йиртқичлари ҳам мавжудки, улар бошқа моллюскалар ва чувалчанглар билан озиқланади. Ўпкали моллюскаларда радулалар, ўсимлик билан озиқланадиган ўпкали моллюскаларда тақасимон жағ яхши ривожланган. Ҳамма ўпкали моллюскалар гермафродит.
Ўпкали моллюскалар ўтроқ кўзлилар ва пояча кўзлилар уруғларини ўз ичига олади.
Do'stlaringiz bilan baham: |
