Мавзу режаси

Тест топшириқлари


Тўғри жавобни танланг :
1. Паст қўйдирилган боғловчиларга карайди:
а) қурилиш гипси; б) эстрих-гипс.
2. Қурилиш гипсини тайёрлаш технологияси уни сув билан тўйинтиришни ўз ичига оладими?
3. Гипсни қўйдириш учун айланадиган печь мукаммал агрегат бўлиб ҳисобланадими?
4. Қуйма гипс қуйидаги ҳолларда ишлатилади:
а) сувоқлаш; б) қолипларни тайёрлаш учун.
5. Ангидрит цементнинг олиш ҳарорати:
а) 200 ºС; б) 700 ºС …900 ºС; в) 1500 ºС.
6. Гипс-буматериал:
а) ёнмайдиган ва ўтга чидамлик; б) ёнадиган ва ўтга чидамайдиган; в) ёнмайдиган ва ўтга чидамайдиган.
7. Гипсда инсонга зарарли компонентлар мавжудми?
8. Гипсдан девор элементлари ишлаб чиқариладими?
9. Гипсдан шувоқ аралашмалари ишлаб чиқариладими?
10.Гипсдан архитектура-декоратив деталлари ишлаб чиқариладими?
11.Гипсниг қотиши қуйидаги шароитда ўтади:
а) сувнинг парланиши ҳисобидан; б) коллоид қоришманинг кристаллашидан:
12. Гипс ҳисобланади:
а) яхши электр ўтказувчи: б) диэлектрик: в) яримўтказувчи.
1.3. Қурилиш гипсининг физик-техник тавсифлари ва хоссалари

Қурилиш гипси яримсувли гипснинг оқ кукуни кўринишида бўлиб, иккисувли гипс тошини тортиш ва 150…170 ºС ҳароратда термик ишлов бериш йўли билан олинган. Қурилиш гипси асосан β- модификацияли кристаллардан CaSO₄•0,5H₂O ташкил топган, шунинг билан бирга, таркибида маълум миқдорда ангидрит (СаSО₄) ва парчаланмаган хом ашёнинг бўлаклари мавжуд (CaSO₄•2H₂O) .

Қотиш муддати бўйича гипс боғловчилари уч гуруҳга бўлинади: А – тез қотадиган (2…15 мин.), Б – нормал қотадиган (6…30 мин.) ва В – секин қотадиган ( қотишнинг бошланиши камида 20 минутдан кейин). Қавс ичида қотишнинг бошланиши ва охири кўрсатилган.
Гипс сифати бўйича учта навга бўлинади (I, II ва III). У 1.1.-жадвалда кўрсатилган талабларга жавоб бериши керак, чунки бу талаблар унинг асосий физик-техник тавсифларини кўрсатади.
Қурилиш гипсининг хоссалари қўшиладиган сув миқдорига ва тортиш (ун қилиш) майинлигига боғлиқ. Гипсни тайёрлашда қўшиладиган сув миқдорини, кимёвий реакцияга кетадиган миқдордан, доим кўпроқ олинади. Қурилиш гипси қотиши тез бошланадиган ва тез қотадиган боғловчи модда ҳисобланади. Гипснинг қотиш муддати (бошланиши 4 минутдан олдин эмас, тугаши 30 минутдан кеч эмас) хом ашёнинг хоссасига, сақланиш муддатига, қўшилмаларнинг мавжудлигига ва бошқа факторларга боғлиқ. Ярим сувли гипснинг тезлаштирилган гидратациясини унинг таркибида мавжуд бўлган парчаланмаган дигидрат заррачалари келтириб чиқаради; кам сув қўшилганда гипснинг қотиши тезлашади ва тескариси. Гипс қоришмасининг ҳароратини 40…45 ºС га кўпайтирганда, қотиш тезлиги ошади, ҳароратни юқоридаги кўрсатгичдан оширганда эса секинлашади. Гипс қоришмасининг қотишини секинлаштириш учун унга кератинлик ва оҳакли елим секинлаштиргичлар ҳамда массасидан 0,1…0,3 % сульфат-ачитки бардасини қўшиш мақсадга мувоффиқдир.
Гипс қотишини тезлаштирувчилар бўлиб, сульфатлар (темир сульфатидан ташқари), кислоталар (олтингугурт, тузли, азотли), суюқ шишалар ҳисобланади.
Гипс буюмлари нам жойларда сақланса 60% гача мустаҳкамлигини йўқотади (5). Шунинг учун одатда гипсдан қуруқ жойларда ишлатиладиган деталларни тайёрлаш учун фойдаланилади. Унчалик сувга нисбатан турғун бўлмаслик гипс буюмларининг ғоваклик даражасининг кўплиги ва сувга эриши билан изоҳлаш мумкин.
Қурилииш гипсининг сувга нисбатан турғунлигини ошириш қуйидаги усуллар билан амалга ошириш мумкин:

1. 
   сувга ювилиш, сувга эришини камайтириш билан, сув ўтказмаслигини ошириш билан;
   
2. 
   гипс қоришмаси таркибига минерал ва органик зичловчи-тўлдиручиларни қўшиш билан;
   
3. 
   буюмлар сатҳига сув ўтказмайдиган ва сувга турғун минерал ва органик қопламаларни (сувоқ) суртиш йўли билан ва уларни бирга қўллаш натижасида;
   
4. 
   минерал ва органик суюқликларни сингдириш йўли билан;
   
5. 
   гипс қоришмаси таркибига зичлагичларни қўшиш ва буюмларни юзасига сув ўтказмайдиган ва сувга турғун минерал ва органик қопламаларни суртиш билан (сувоқ);
   

1.1-жадвал