Kognitiv strategiyalardan birgalikda foydalanish
Ushbu bobning boshida biz kattalar ushbu strategiyalarni modellashtirish va o'rgatish paytida bolalar yanada kognitiv strategiyalarni egallashlari haqida aytib o'tgan edik. Ijtimoiy-madaniy nuqtai nazar shundan dalolat beradiki, kattalar bolalarni strategiyalardan birgalikda foydalanishni talab qiladigan mashg'ulotlarga jalb qilib, bir qadam oldinga borishlari kerak. Birgalikda muhokama qilish va ko'rsatma berish orqali bolalar asta-sekin o'zlarining strategiyalarini o'zlashtiradilar va ulardan mustaqil ravishda foydalanishni boshlaydilar. Quyida keltirilgan misolni ko`rib chiqamiz: 4 yoshli Vohid tejab turgan tangalar solingan banka bilan oilaviy xonaga kirib keldi. U onasiga qancha pul borligini bilish uchun tangalarni sanashni xohlashini aytdi. Onasi qarab turgach, Vohid tangalarni kofe stoliga tashlab, birma-bir sanay boshlaydi. U ikkinchi marta sanay boshladi, lekin tangalar aralashib ketdi. Onasi tangalar aralashib ketmasligini oldini olish uchun tangalarni qatorlashtirib sanashni tavsiya qildi. Vohid rozi bo`ldi, lekin tangalarni qatorlashtirib qo`yishni amalga oshirolmadi. Onasi esa bir nechta qatorlarni namuna asosida ko`rsatib berdi. Shuningdek, u unga har bir qatorga 10 tangadan qo'yish kerakligi va bundan ortig'i yo'qligini aytadi. Ular tangalarni birgalikda sanashdi.
Madaniyatda rivojlanish
Ijtimoiy ta'sir o'tkazish orqali axborotni qayta ishlashni kuchaytirish
Ushbu va oldingi bobda biz axborotni qayta ishlash va ijtimoiy-madaniy istiqbollarning ko'plab oqibatlarini aniqladik. Quyida paydo bo'ladigan qo'shimcha natijalarni ko'rib chiqsak:
Muntazam ravishda chaqaloqlarni ijtimoiy almashinuvga jalb qiling. Dastlabki oylarda go'daklar bilan ijtimoiy aloqada shunchaki ko'z bilan aloqa qilish, jilmayish va suhbatlashish, qo'lga olish va ularning holati o'zgarishiga javoban go'daklarni boshqacha tutish, o'zaro munosabatlarni kengaytirish kerak. Keyinchalik esa ob'ektlarni birgalikda ko'rib chiqish, manipulyatsiya qilish, tajriba o'tkazish va ular haqida gaplashish kabi xatti-harakatlarni amalga oshirish kerak. Bunday tadbirlar garchi sodda bo'lsa ham keyinchalik ma'lumot almashish uchun juda zarur bo'lgan o'zaro xabardorlikni (sub'ektlararo) rivojlantiradi.
Do'stlaringiz bilan baham: |
