Мавзулар бўйича матн аннотацияси ва охирги янгиликлар

Назорат ва муҳокама учун саволлар

1. Инвестицион сиёсат нима ва у давлат ва корхоналар миқёсида қандай мақсадларни кўзда тутади?

2. “Инвестициялар” ва “капитал қўйилмалар” тушунчалари ўртасидаги фарқларни тавсифлаб беринг.
3. Инвестицион жараёнларни қайси асосий босқичлар тавсифлайди?
4. Инвестициялар таркиби ва структураси нима ва уларнинг корхона иқтисодиётига таъсири қандай?
5. Инвестицияларнинг иқтисодий самарадорлигини аниқлашнинг қайси усуллари сизга маълум?
6. Корхоналар инвестицион сиёсатининг моҳияти нимада?
7. Инвестицияларнинг энг самарали вариантини танлашда қайси усулдан фойдаланиш мақсадга мувофиқ?


12- МАВЗУ. ЧЕТ ЭЛ ИНВЕСТИЦИЯЛАРИ ВА УЛАРНИ ЖАЛБ ЭТИШ БЎЙИЧА ИНВЕСТИЦИОН СИЁСАТ (2-СОАТ)


Аннотация

12.1.Давлатнинг инвестицион сиёсати.

12.2. Чет эл инвестициялари тушунчаси.
12.3.Ўзбекистон иқтисодиётига чет эл инвестицияларини жалб қилишнинг зарурияти.
12.4. Инвестицион муҳитнинг жозибадорлигини ошириш.
12.5. Иқтисодиётга чет эл инвестицияларини жалб қилишнинг ҳуқуқий асослари.
12.6.Тўғридан-тўғри инвестициялар ва портфел шаклидаги чет эл инвестициялари.

Маълумки ҳар бир давлатда, унинг иқтисоди ривожланган, ёки
иқтисодиёти ўтиш даври хусусиятига эга бўладими, қатъий назар, мазкур мамлакатга хорижий сармоянинг кириб келиши ҳамиша ижобий ходиса сифатида қаралади. Чунки кириб келаётган сармоянинг кўпайиши тўлов балансини яхшилаш орқали, миллий валюта курсига ижобий таъсир кўрсатади, техник базани янгилашга хизмат қилади, замонавий иш юритиш
услубини тадбиқ этади ва бу билан иқтисодий ўсишни рағбатлантиради.
Шундай экан, инвестицияларнинг иқтисодий мазмун - моҳияти тўғрисида иқтисодчи олимлар фикрларига назар ташласак, улар ўртасида хилма – хилфикрлар мавжуд.

Инвестицияларга аниқ бир таъриф берилмаган. Жумладан, проф. Д.Ғ.Ғозибеков инвестицияларнинг иқтисодий мазмун – моҳиятини молиявий категория сифатида талқин этиб, қуйидагича таъриф бериб ўтган: “Инвестицияларнинг мазмуни аниқ ва ишончли манбалардан маблағлар олиш, уларни асосли ҳолда сафарбар этиш, рикслар даражасини
ҳисобга олган ҳолда капитал қийматини сақлаш ва кўзланган самарани
олишдан иборат бўлади”