Mazmuni kirisiw I bap. Injenerlik grafikasın oqıtıw metodikası pánine uliwma sipatlama

Ajiniyaz atindagi NMPI suwretlew oneri ham texnologiya talim fakulteti 3-kurs (sirtqi) Erejepova Gulnaz "Siziw paninin oqitiw metodikasi " Tema "Injenerlik grafikasin oqitiw metodikasi paninin maqseti ham waziypalari"

MAZMUNI
KIRISIW…………………………………………………………....…………..3
I BAP. Injenerlik grafikasın oqıtıw metodikası pánine uliwma sipatlama.…5

1. 
   Injenerlik grafikasın oqıtıw metodikası pániniń maqset hám wazıypaları …5
   
2. 
   Injenerlik grafikasın oqıtıwda oqıw-tárbiyalıq jumıslar metodikası.………8
   

II BAP. Injenerlik grafikasın oqıtıw metodikası páninen misallar.….……15
2.1. Ápiwayı geometriyalıq forma hám betlerdi parametrlew tiykarları ……15
2.2. Aylandırıw usılı. Aylandırıw usılı tuwrısında maǵlıwmat………………16
JUWMAQLAW.……………...……………………………………………….20
Paydalanilg’an a’debiyatlar.………..………………………………………..21

Kirisiw
Húrmetli prezedentimiz Sh. M. Mirziyoyev pútkil mámleketimiz dıqqat itibarın bárkámal áwlad tárbiyasına, kadrlar sapasına, oqıtıwshılardıń salawatı, abırayın bekkemlewge qaratıp atır. Ózbekstanda kadrlar tayarlawdıń sapa dárejesin asırıw, xalıq aralıq standartlar tiykarında joqarı maman qánigeler tayarlaw ushın zárúr shárt-shárayatlardı jaratıw, hár bir joqarı tálim shólkemin jáhánnıń jetekshi joqarı tálim mákemeleri menen jaqın sheriklik baylanısları ornatıwı, oqıw procesine xalıq aralıq tálim standartlarına tiykarlanǵan aldıńǵı pedagogikalıq texnologiyalar, oqıw programmaları hám oqıw-stilistik materialların keń engiziw, oqıwshılar, pedagog kadrlardı zamanagóy kásiplik bilimleri hám kreativlik uqıplıyatlarini rawajlandırıw, jaslar auditoriyası menen jumıs aparıwda interaktiv usıllardan nátiyjeli paydalanıw máseleleri háreketler strategiyasınıń ústin turatuǵın baǵdarlarınan biri bolıp tabıladı.
Házirgi dáwirde bilimlendiriw tarawında tayarlanıp atırǵan jas kadrlardan tekǵana pedagogikaǵa tiyisli tereń bilimler, bálki bir qatar islep shıǵarıw menen baylanıslı bolǵan mashqalalı jaǵdaylardı sheshe alıw ushın jetkilikli dárejedegi bilim hám kónlikpeler de talap etiledi. Derlik barlıq tálim mákemelerindegi sheshimdi kútip atırģan mashqalalı jaǵdaylar ilim jetiskenliklerin óndiriske engiziw máseleleri menen baylanıslı.
Búgingi kúnde bir qatar rawajlanǵan mámleketlerde tálim-tárbiya procesiniń natiyjeliligin kepillikleytuǵın zamanagóy pedagogikalıq texnologiyalardı qollaw boyınsha úlken tájiriybe tiykarların quraytuǵın metodlar interaktiv metodlar atı menen júritilmekte. Interaktiv tálim metodları házirde eń kóp tarqalǵan hám barlıq túrdegi tálim mákemelerinde keń qollanılap atırǵan metodlardan esaplanadı. Usınıń menen birge, interaktiv tálim metodlarınıń túrleri kóp bolıp, tálim-tárbiya procesiniń derlik hámme wazıypaların ámelge asırıw maqsetleri ushın saykesleri házirde de bar.
Injenerlik grafikası ulıwmakásiplik pánler qatarına kirip Joqarı tálimniń bir qatar bakalavr baǵdarları boyınsha kadrlar tayarlawda zárúrli orındı iyeleydi.
Injenerlik grafikasın oqıtıw metodikası sızılmashılıq stuldıń teoriyalıq máselelerin úyrenedi. Bunda : sızılmashılıq stuldı mektepte oqıtıwdıń maqset hám wazıypaları ; oqıtıwdıń shólkemlestirilgen forması hám metodların islep shıǵıw ; oqıtıwdın’ metodikalıq quralları (oqıw - kórgezbeli qurallar hám úskeneler)in tańlaw, islep shıǵıw hám izertlew; sızılmashılıqtıń basqa pánler menen baylanısların (matematika, miynet,... ) da da kurs mazmunın ashıp beretuǵın túsiniklerdi anıqlaw hám taǵı basqalar kiredi.