Mazmuni kirisiw I bap. Injenerlik grafikasın oqıtıw metodikası pánine uliwma sipatlama

Injenerlik grafikasın oqıtıw metodikası pániniń maqset hám wazıypaları.

Aldın metodika sóziniń mánisin jáne onıń áhmiyetin anıqlap alamız. «Metodika» sózi áyyemgi grekshe «metodos» sózinen alınǵan bolıp «izzertlew jolı», «bılıw usılı» mánislerin ańlatadı. Usıl, qural yamasa háreketti ámelge asırıw jolına metod dep ataladı. Qandayda bir jumıstı orınlaw usılları hám metodları jıyındısına metodika dep ataladı. Usınıń menen birgelikte metodika pedagogikanıń anıq bir oqıw pánin, atap aytqanda sızılmashılıqtı da oqıtıw nızamlıqların úyrenetuǵın bólimi esaplanadi. Injenerlik grafikasın oqıtıw metodikası páni tálim hám tárbiyanıń ulıwma maqsetlerinen kelip shıqqan halda ulıwma bilim beriw mektepleri hám kásip-óner kolledjlerinde sızılmashılıq (injenerlik grafikası ) pánin úyreniwden maqset, pánniń mazmunı hám oqıwshılar grafik isleme orınlawdaǵı eń qolay jumıs usılların hám de oqıw procesin nátiyjeli shólkemlestiriwdiń forma hám quralların úyrenetuǵın pán esabıanadi.
Injenerlik grafikasın oqıtıw metodikası aldında pedagogika páni tarmaǵı retinde tómendegi wazıypalar turadı :
1. Ulıwma bilim beriw mekteplerinde sızılmashılıq oqıtıwdıń anıq maqsetlerin jáne onıń pán retinde bilim beriwde de tárbiyalıq áhmiyetlerin anıqlaw;
2. Oqıtıwdıń mazmunı hám strukturasın anıqlaw ;
3. Oqıwshılardıń bekkem bilim, kónlikpe hám ilmiy tájriybelerin támiyinleytuǵın oqıtıwdıń eń qolay usıl, qural hám formaların islep shıǵıw ;
4. Oqıwshılardıń bilim alıw procesin izertlew.
Injenerlik grafikasın oqıtıw metodikasında kurstıń tiykarǵı bólim hám temaların úyreniwdiń nátiyjeli usılları, sızılmalardı oqıw hám orınlaw kónlikpelerin qáliplestiriw metodikası, grafik máselelerdiń roli hám olardan oqıtıwda paydalanıw usılları sıyaqlılar uyreniledi.
Injenerlik grafikasın oqıtıw metodikası sızılmashılıq stuldıń teoriyalıq máselelerin úyrenedi. Bunda : sızılmashılıq stuldı mektepte oqıtıwdıń maqset hám wazıypaları ; oqıtıwdıń shólkemlestirilgen forması hám metodların islep shıǵıw ; oqıtıwdın’ metodikalıq quralları (oqıw - kórgezbeli qurallar hám úskeneler)in tańlaw, islep shıǵıw hám izertlew; sızılmashılıqtın’ basqa pánler menen baylanısların (matematika, miynet,... ) da da kurs mazmunın ashıp beretuǵın túsiniklerdi anıqlaw hám taǵı basqalar kiredi.
Menshikli metodikada programma temaların úyreniw izbe-izligi túsiniklerin qáliplestiriw usılıari; kórgizbeli qurallardan paydalanıw boyınsha usınıslar ; grafik hám de ámeliy islerdiń mazmunları hám taǵı basqalar uyreniledi.
Sızılmashılıq (grafika) pániniń tiykarǵı waziypası informaciyalardı grafik kóriniste súwretlewden ibarat. Grafika insanlardıń vizual mádeniyatı sawatlı adamlıǵı retinde qaralib, búgingi kúnde texnika, texnologiya, tálim, medicina, sanaat, proektlestiriw hám dizayn sıyaqlı insan iskerliginiń derlik hámme tarawları ámeliyatında keń qollanıladı. Salıstırǵanda kishkene kólemdegi grafik suwretler (sızılmalar)dıń kútá úlken kólemdegi informaciyalardı uzatıw múmkinshiligi bar ekenligin jáne bul informaciyalarda suwretlenip atırǵan obiekt haqqındaǵı hámme maǵlıwmatlardıń tolıq sáwlelendirip atırg’anın itibarǵa alsaq, grafikanı insanlardıń kásiplikde de kúndelik tırıshılık eki tárep baylanısilarında eń ápiwayı hám tábiyiy qurallardan biri dep qarawımız múmkin. Ulıwma tálim mekteplerindegi sızılmashılıqtıń oqıwshılardıń keńislikdegi qıyalların, kóz menen shamalaw, kóriw yadı, tutqırlıq hám dóretiwshilik qábiletiarini rawajlandırıwdaǵı áhmiyeti kútá úlken. Kásip-óner kolledjlerinde grafika (sızılmashılıq ) pánleriniń mazmunı hám tálim procesiniń payda etiliwi hár bir qánigeliktiń qaniygelik xarakteristikasına tiykarlanǵan halda belgilenedi. Kásip-óner kolledjlerinde qánigeler tayarlaw klassifikatorina tiykarlanıp búgingi kúnde respublikamızda 270 ten artıq jónelis boyınsha qánigeler tayarlanıp atır. Kolledjlerde grafika pánlerin oqıtıwda zamanagóy islep shıǵarıw jumısshısınıń jańa texnologiyalıq mádeniyattı iyelegenligi, islep shıǵarıw materiallıq-texnikalıq bazasınıń úzliksiz jańalanıp turıwına, onıń payda etiliwindegi ózgerislerge hám de bazar mexanizmleriniń engiziliwine kásiplik hám psixologiyalıq tayarlanǵanlıǵın da esapqa alıw zárúr boladı.
Bul pánniń maqseti, studentlerge bilim hám kónlikpeler beriwden tısqarı, injener ushın zárúr bolǵan texnikalıq pikirlerdi sızılma járdeminde bayanlawdı hám texnikalıq buyımdı jumıs Principi hám de konstruksiyasına qaray túsiniwdi, geometriyalıq proektlestiriw tiykarların, sızılmalar dúziwdi teoriyalıq tiykarları hám texnikalıq buyımlar hám de olardıń sızılmaların oqıwdı uyretedi.