Mazmuni: Kırısıw

Tálimdi individuallastırıw texnologiyasınıń ózine tán qásiyetleri.

Differensiallastırılǵan bilimlendiriwde hár bir oqıwshınıń jeke qásiyetleri, qábiletleri, qızıǵıwları, mútájlikleri esapqa alınadı. Usı sebepli oqıtıwdı differensiallastırıw individuallastırılǵan bilimlendiriwdi talap etedi.
Individuallastırılǵan bilimlendiriw - oqıtıw forması, oqıtıw processin shólkemlestiriwdiń modeli bolıp, ol tómendegi ózgeshelikleri menen xarakterlenedi:
Oqıtıwshı hár bir oqıwshı menen individual islesedi;

1. 
   Hár bir oqıwshı óziniń jeke qásiyetleri, uqıbı, qiziǵıwshılıǵı, talabına say halda dúzilgen oqıw tapsırmaların orınlaydı, yaǵnıy oqıtıw quralları (sabaqlıq, kórgizbeli hám didaktikalıq materiallar, kompyuter) menen jeke tártipte isleydi.
   

Individual bilimlendiriwdiń tıykarǵı abzallıǵı, oqıwshılardıń oqıw iskerligin shólkemlestiriw, bilimlendiriw mazmunı, quralları hám metodların tańlawda olardıń jeke tárepleri hám tezligi esapqa alınǵanlıǵı sebepli usı processti jedellestiriw, olardıń oqıw tapsırmaların orınlawda móljeldi tuwrı alıwı hám tezirek maslasıwı, óz múmkinshilikleri dárejesinde bilim hám kónlikpelerdi iyelewge múmkinshilik jaratıw esaplanadı.
Oqıtıwshı oqıwshılar menen individual islegende olardıń hár bir háreketi, bilimlerdı ózlestiriw barsında qoyǵan hár bir qádemi, oqıw iskerligindegi jetiskenlik, kemshilikler hám jetispewshiliklerdi anıqlaw, olarǵa shek qoyıw ilájların qollaw, jetiskenlik ushın xoshámetlew múmkinshiligine iye boladı. Bul oqıwshılardı barqulla ógerip turatuǵın oqıtıw processine iykemlestiriwi, aqırǵı nátiyjede óz múmkinshilikleri dárejesinde oqıw materiyalın kem waqıt sarıplap ózlestiriwi, ózine qolay metod hám usıllardan paydalanıp gózlengen maqsetke erisiwine járdem beredi.
3.Oqıwshılarǵa tabaqalap hám individual qatnasta bolıw.
Oqıtıwdı individuallastırıw texnologiyası individual jantasıwdı talap etedi.
Individual jantasıw - metodikanıń prinsiplerinen biri bolıp, onda oqıtıwshı oqıwshılardıń jeke qásiyetleri, qızıǵıwları, talapların esapqa alǵan halda, individual model tiykarında oqıw iskerligin shólkemlestiredi hám olar menen baylanısta joqarı mádeniyattı kórsetedi, birge islesiwge kirisedi. Sabaqta júzege kelgen qolay psixologiyalıq-pedagogikalıq ortalıq hámme oqıwshılardıń, usı qatardan hár bir oqıwshıniń óz múmkinshilik dárejesinde rawajlanıwına tıykar boladı.
Oqıtıwdı individuallastırıw texnologiyasınıń tómendegi ózgeshelikleri bar:

1. 
   Oqıtıwshı oqıwshılardıń oqıw iskerligin shólkemlestiriw, oqıtıw mazmunı, quralları, metodları hám usılların tańlawda olardıń jeke qásiyetleri, qızıǵıwları, talapların esapqa alıwı;
   
2. 
   Individual oqıtıwdı shólkemlestiriwdiń oqıw-metodikalıq, pedagogikalıq-psixologiyalıq, shólkemlestiriw hám basqarıw jolların belgilewi kerek.
   

Solay etip, oqıtıwdı individuallastırıw texnologiyası delingende, oqıtıwdıń individual forması hám jantasıwı ústemlik etetuǵın texnologiya túsiniledi. Bul texnologiya pútin pedagogikalıq processke sińip ketiwshi texnologiya bolıp, onıń ústemligi oqıwshılarǵa jeke qásiyetleri, qızıǵıwları, talapların esapqa alǵan túrinde individual jantasıw esaplanadı.
Biologiyanı oqıtıwda individuallastırıw texnologiyasınan sabaq, sabaqtan hám klasstan tısqarı jumıslar, ekskursiyalarda paydalanıw usınıs etiledi.
Oqıtıwdıń nátiyjeliligi oqıwshılardıń sabaqtan tısqarı jumısların talap dárejesinde shólkemlestiriwge baylanıslı.
Oqıwshılardıń pán tiykarların tereń hám bekkem ózlestiriwlerine erisiw, qosımsha oqıw ádebiyatları, kórgizbeli qurallar járdeminde óz betinshe jumısların shólkemlestiriw, belgilengen temalar boyınsha baqlaw hám tájiriybeler ótkeriw, oqıwshılardıń qızıǵıwları hám bilimlerdi ózlestiriwge bolǵan talapların esapqa alǵan halda differenciallastırılǵan bilimlendiriwdi shólkemlestiriw, olardıń dóretiwshilik qábiliyetleri, óz betinshe hám logikalıq pikirlewin rawajlandırıw, ilimiy dúnyaqarasın keńeytiw, kásipke baǵdarlaw, oqıwdı ónimli fizikalıq hám aqlıy miynet menen úzliksiz baylanıstırıw maqsetinde ulıwma biologiyadan klasstan tısqarı shınıǵıwlar ótkeriledi.
Biоlоgiyani oqıtıwdа individuаllаw tехnоlоgiyasinаn sabaq, sabaqtan hám klasstan tisqari jumislar, ekskursiyalаrdа paydalaniw usinis etiledi.