Международный

 
7.3 Хабардорлик
Ташкилот ўзининг раҳбарлиги остида иш бажараётган тегишли ходимлар қуйидагилар 
тўғрисида хабардор бўлишларини таъминлаши керак:
a) сифат соҳасидаги сиёсат тўғрисида; 
b) сифат соҳасида мувофиқ мақсадлар; 
c) сифат менежменти тизимининг натижавийлигига ўз ҳиссаси, жумладан фаолият 
натижаларини яхшилашдан фойда;
d) сифат менежменти тизими талабларига номувофиқлик оқибатлари.
7.4 Ахборот алмашиш

---

O’z DSt ISO 9001:2015 
8 
Ташкилот сифат менежменти тизимига тегишли ахборотларни ички ва ташқи алмашиш 
тартибини белгилаши керак, жумладан: 
a) қандай ахборотлар узатилади;
b) ахборот қачон узатилади; 
c) ахборот кимга узатилади; 
d) у қай тарзда узатилади;
e) ахборотни ким узатади.
7.5 Ҳужжатлаштирилган ахборот  
 
7.5.1 Умумий қоидалар
Ташкилотнинг сифат менежменти тизими ўз ичига қуйидагиларни олиши керак:
a) ушбу стандарт томонидан талаб қилинадиган ҳужжатлаштирилган ахборот;
b) ташкилот томонидан сифат менежменти тизимининг натижавийлигини таъминлаш 
учун зарур деб аниқланган, ҳужжатлаштирилган ахборот.
Изоҳ – Бир ташкилотнинг сифат менежменти тизими ҳужжатлаштирилган ахборотининг ҳажми 
қуйидагиларга боғлиқ ҳолда бошқасидан фарқ қилиши мумкин:
- ташкилот ўлчами ва унинг фаолияти, жараёнлари, маҳсулотлари ва хизматлари тури;
- жараёнларнинг мураккаблиги ва уларнинг ўзаро боғлиқлиги;
- ходимлар лаёқатлилиги.
 
7.5.2 Яратиш ва долзарблаштириш  
Ҳужжатлаштирилган ахборотни яратиш ва долзарблаштириш вақтида ташкилот тегишли 
тарзда қуйидагиларни таъминлаши керак:
a) идентификация ва таъриф (масалан, номи, санаси, муаллифи, ҳавола рақами); 
b) формат (масалан, тили, дастурий таъминот версияси, график воситалар) ва ташувчи 
(масалан, қоғоз ёки электрон); 
c) яроқлилик ва адекватлик нуқтаи назаридан таҳлил ва маъқуллаш.