Mektepke shekemgi pedagogikanıń ulıwma tiykarları. Mektepke shekemgi pedagogika pániniń predmeti hám wazıypaları Reje

Bilimlendiriw shólkemi hújjetlerin analiz qiliw usilii. Pedagogikaliq hádiyse hám dálillerdi tekseriw maqsetinde bilimlendiriw mekemeleri xizmeti mazmunin jaritiwshi maǵliwmatlardi tekseriw maqsetke muwapiq. Bul usil Ózbekstan Respublikasiniń “Bilimlendiriw haqqinda”ǵi Nizami hámde”Kadrlar tayarlaw milliy dástúri” talaplariniń bilimlendiriw mekemeleri ámeliyatindaǵi atqariliw jaǵdayin úyreniw, bul baradaǵi iskerlik dárejesi, erisilgen jetiskenlik hámde jol qoyilǵan kemshiliklerdi aniqlaw, aldaǵi tájriybelerdi massalastiriw hám mektepke shekemgi bilimlendiriw shólkemi pedagogikaliq tájriybeni asiriw maqsetinde qollaniladi.
Bilimlendiriw shólkemi xizmeti mazmunin jaritiwshi hújjetler tómendegilerden ibarat: oqiw shiniǵiwlariniń kestesi, oqiw baǵdarlamasi, topar jurnallari, balalardiń shaxsiy betleri, búyriqlar, Pedagogikaliq Keńes jiynali bayannamalari jazilǵan dápter, Pedagogikaliq Keńes qararlari, bilimlendiriw shólkemi smetasi hámde pasporti, tárbiyaliq jumislar rejesi, oqiw-tárbiyaliq jumislardi shólkemlestiriw barisindaǵi esabatlar, bilimlendiriw shólkemi jihazlari (oqiw partalari, stol-stullar, jumsaq mebeller hámbasqalar) jazilǵan dápter hám basqalar.
Bul usil belgili baǵdarlarda oqiw-tárbiyaliq jumislari nátiyjeligi dárejesi, balalarda payda bolǵan bilim, kónlikpe hám tájriybeler kólemi aldaǵi pedagogikaliq tájriybeler mazmunin úyreniwde zárúr áhmiyetke iye.
Balalar dóretiwshiligin úyreniw usil. Bul usil balalardiń belgili baǵdarlardaǵi uqipliǵi, qábileti, soniń menen, belgili pán tarawlari boyinsha bilim, kónlikpe hám tájriybeleri dárejesin aniqlaw maqsetinde qollaniladi. Oni qollawda balalardiń dóretiwshilik jumislari, súwretler, konstruktsiya jumislari, qol miyneti tiykarinda jaratilǵan búyimlar zárúr qural bolip xizmet qiladi. Usildiń apzalliǵi sonda bolip, ol belgili balaǵa tán bolǵan individual imkaniyatti kóre aliw aliw, bahalaw hám oni rawajlantiriw ushin múmkinshilik jaratadi.
Pedagogikaliq tájriybe (eksperiment - lotinsha "sinap kóriw" tájriybe qilip kóriw") usili. Pedagogikaliq tájriybe usilinan mashqala sheshimin tabiw imkaniyatlarin úyreniw, bar pedagogikaliq sharayatlardiń maqsetke erisiwdiń kepilley aliwi, alǵa súrilip atirǵan usinislardiń ámeliyatta óz kórinisine iye bola aliwi hámde nátiyjeligin aniqlaw maqsetinde paydalaniladi. Belgili mashqala sheshimin tabiwǵa baǵdarlantirilǵan pedagogikaliq tájribe belgili sheńberde, sani aniq belgilengen respondentler qatnasiwinda ámelge asiriladi. Bul usildan paydalaniw izertlewshi tárepinen alǵa súrilip atirǵan arnawli usildiń nátiyjeligin aniqlawi hámde oǵan baha bere aliwi zárúr.