Меҳнатни муҳофаза қилиш ва хавфсизлик техникаси бўйича имтиҳон савол ва жавоблари

Ботиклар, калишлар, резина гиламчаларга қўйиладиган талаблар
Диэлектрик ботиклар, калишлар ёғин-сочин йўқлигида очиқ электр қурилмаларда қўшимча ҳимоя (қадамли кучланишдан ҳимоя) воситалари сифатида қўлланилади. Электр қурилмалар турли ўлчамдаги махсус пойабзал билан бутланган бўлиши шарт. Диэлектрик резина гиламчалар ўта нам бўлмаган хоналардаги 1000 В ва ундан юқори кучланишли ёпиқ электр қурилмаларда қўшимча ҳимоя воситалари сифатида қўлланилади. Гиламчалар икки турга бўлинади: оддий ("Т" + 40 гача) ва мой-бензинга чидамли ("Т" + 80 гача ). Барча ҳимоя воситалари ГОСТ талабларига жавоб бериши, механик шикастларга эга бўлганлари эса яроқсизга чиқарилиши лозим.

6.

Изоляцияловчи тутқичларга эга слесарлик-монтаж асбобларига қўйиладиган талаблар Кучланиш остидаги ишлар учун мўлжалланган изоляцияловчи штангалар, каж омбурлар (қисқичлар) ва бошқа мосламалар. Изоляцияловчи қисмлар диэлектрик материаллардан (чинни (фарфор), қоғоз-бакелит трубалар, эбонит ва бошқалардан) ясалган бўлиши лозим. Намни шимиб олувчи диэлектрик материаллар сувга чидамли локлар билан қопланган бўлиши керак. Изоляцияловчи қопламаларда ёриқлар, дарзликлар ва тешиклар бўлмаслиги керак.

7.