MENDELEYEV ELEMENTLARI
Nutqiy mavzuning maqsadi: oʻquvchilarga Mendeleyev faoliyati, elementlar
davriy jadvali va unga oid til birliklari haqida tushuncha berish.
Berilgan matn tarkibidan ajratib koʻrsatilgan soʻzlarning oʻz va koʻchma
maʼnolarini
aniqlash; maʼnodosh soʻzlar, ularning
uslubiy xususiyatlari bilan
tanishtirish;
Axborot matni. Uning oʻziga
xos jihatlarini aniqlash;
Sonlarning imlosi (maʼno turlari, yasalishi), hisob soʻzlar imlosi; berilgan matn
bilan tanishish, matn yuzasidan berilgan savollarni tushuna olish va javob bera olish,
savol bera olish; nutqiy mavzuga oid matn yozish koʻnikmasini shakllantirish;
1-soat
DARS JARAYONI
Kirish.
“Ayting-chi, kimyo qanday fan? U nimalarni oʻrgatadi?
Asosiy qism.
Oʻqib tushunish.
Kimyo faniga oid qiziqarli maʼlumotlar bilan tanishing. Sonlar va hisob-
oʻlchov soʻzlari imlosiga eʼtibor bering.
Ushbu topshiriqda kimyo faniga oid qiziqarli maʼlumotlar
hamda ularga
aloqador rasmlar berilgan. Oʻquvchilar ushbu maʼlumotlar bilan tanishib chiqishlari
hamda ajratib koʻrsatilgan soʻzlar imlosiga alohida eʼtibor qaratishlari aytiladi.
Muhokama.
1. Ayting-chi, kimyo fani nima uchun kerak?
Bu savol yashirin ifodalangan maʼlumotni topishga qaratilgan. Oʻquvchilar
berilgan maʼlumotlardan xulosa chiqarib, kimyo fani nima uchun kerak ekanligini
tushuntirib berishlari lozim. Bu jarayonda oʻquvchilarning fikrlari toʻldirib, kimyo
fani haqida maʼlumot berish maqsadga muvofiq.
Kimyo – moddalarning tuzilishi, xossalari, bir moddaning boshqa moddaga
aylanishini oʻrganuvchi fan.
2. Bizning kundalik hayotimiz kimyo fani bilan qanday aloqadorlikda oʻtadi?
