Mening kitobim- o`ta yahshi ayollarga shahsiy munosabatlar haqida qo`llanma

 
Maftunkorlik omili №27 
   Agar oxirgi daqiqada tormozni bossangiz, erkak sizni yolg`onchi  deb hisoblaydi. 
   Ana  endi  biz  “qaynoq”  va  “xavotirlangan”  terminlarini  ishlatishni  boshlaymiz.    U 
“qaynoq” bo`lmay qolishi bilan, uning ehtirosi o`z o`rnini “xavotirga” bo`shatib beradi. 
Endi  erkak  asabiylasha  boshlaydi.  U  boshqa  sizning  o`yinlaringizda  ishtirok  etishni 
istamaydi,  chunki  undan  faqat  siz  zavq  olaypsiz.  U  endi  sizni  halol  o`ynayapti  deb 
o`ylamaydi  va  oqibatda  seksual  xohishlar    o`rnini  xafalik  va  araz  egallaydi.  Agar  u 
sizning uni laqillatganingizni sezib qolsa, u mutlaqo sizdan yuz o`giradi. 
   Bu  haqida  mulohaza  yuritib  ko`ring.  Itga  bir  soat  suyakni  ko`rsatib  turib,  o`rniga 
selder bargini berish mumkin emas. Agar erkak sizni hurmat qilishini istasangiz, u bilan 
halol  o`yin  olib  borishingiz  kerak.  Erkak  bilan  yaqin  munosabatlarga  kirishmasdan 
munosabatni  saqlab  turish  va    yana  u  sizni  yolg`onchi  deb  atamasligi  uchun  quyidagi 
maslahatlarga amal qiling. 
   •  Munosabatlarning  ilk  davrida  uni  yoki  o`zingizning  uyingizda  u  bilan  yolg`iz 
qolmaslikka harakat qiling, ayniqsa, kech bo`lganda. 
   • Jamoat joylarida uchrashing. U o`zi kelib sizni olib ketishi mumkin. 
   •  Uchrashuvlarni  kunduzgi  soatlarga  belgilang.  Agar  sizga  velosipedda  sayr  qilish 
yoqsa,  bunday  vaqt  o`tkazish    ham  qizil  chiroq  yoqishning    yaxshi    usuli.  Ammo 
ikkovingiz  kamin  yonida  bir  shisha  sharob  bilan  shamlar  yog`dusida  birga  o`tirgan 
bo`lsangiz, unda erkak uchun bu yashil chiroq. 

---

   • Bo`salarning juda ehtirosli bo`lishiga  va uzoq cho`zilishiga yo`l qo`ymang. 
   •  Uchrashuvdan  kech  qaytayapsiz,  qahva  ichish  uchun  uyga  taklif  qilib  yurmang, 
hatto buni o`zi so`rasa ham.  Uy yaqinida u bilan xayrlashing. 
   •  Sertabassum  bo`ling,  uning  hazillariga  mazza  qilib  kuling,  yaxshi  hamsuhbat  do`st 
bo`ling.  U  sizga    mahbuba  deb  qarashidan  ko`ra    do`st  bo`lishini  istang.  Agar  u  sizga 
yuragini  ochib  o`zi  haqida  gapira  boshlasa,  bu  yaxshi  belgi.  Erkak  ayolni 
yoqtirgandagina unga o`z ko`nglini ochadi. 
   • Noz-karashma me`yordan oshib ketmasin. Bemaza  mavzudagi latifalardan ehtiyot 
bo`ling,  chunki  ular  kamdan-kam  holatda  shunchaki  hazil  bo`ladi.  Erkak  kishi  hazilni 
ko`pincha sinash uchun ishlatadi. Ammo juda jiddiy ham bo`lib ketmang, yaxshi hazilga 
kulish  gunoh  emas.  Ammo  intim  mavzularda  uzoq  to`xtalib  qolmang,  chunki  u  buni 
yashil chiroq deb o`ylashi mumkin. 
   • Erkakni e`tirof etib turing. Sizga yoqishini bildirib qo`ying. Masalan, uning odekoloni 
iforidan  hidlang.  Yoki  bugun  ko`rinishi  zo`rligni  ayting.  Bu  bilan  unga  yaqin  bo`lib 
ketmayotganingiz aslo uni yoqtirmaganingizdan emasligini bildirib qo`yasiz. 
   •  Unga  mehringizni  izhor  qiling.  Uning  qo`lidan  tuting  ,  yelkasiga  bosh  qo`ying, 
shunda u oz`ining erkakligini his etadi. 
   • O`z kuchingizga katta baho bermang. Uning hech narsa bo`lmaydi degan gaplariga 
ishonmang.  Hatto  uni  anchadan  beri  bilsangiz  ham,  juda  yaxshi  inson  bo`lsa  ham, 
bunday holatlarda har qanday erkak o`zini nazorat qila olmay qolishi mumkin. 
   •  Mehringizni  odamlar  orasida  ko`rsating.  Bu  yer  xavfsiz,  hech  qanday  ortiqcha  ish 
bo`lish ham mumkin emas. 
   Erkak ehtiyotkorlik bilan to`shakka ishora qilayotganiga qaramay, u ich-ichidan siz uni 
kutishga majbur qilishingizni istaydi. 
   Mening  bir  mijozim  ayollar  borasida  omadi  chopgan  yigit  aytgan  gaplari  yodimga 
tushdi: “Judayam chiroyli bir qizga oshiq bo`lib qolaman, chindanam haqiqiy muhabbat 
ana  shu  deb  o`ylay  boshlayman.  Ammo  u  men  istagan  narsalarimga  ruxsat  berib 
yuborgandan keyin hafsalam pir bo`ladi, sen ham hammaga o`xshagan ekansan deb”. 
Davom etamiz. 

---

   U  sizning    “boshqacha“  ekaningizga  ishonch  hosil  qilishni    istaydi.  Siz  uni  ajoyib, 
yoqimtoy va eng zo`r deb hisoblashingizni xohlaydi. Siz uning hazillariga kulishingizni, 
uni aqlli deb sanashingizni istaydi. U ma`budani xohlaydi. U ajoyib ayolni xohlaydi. 
   Ho`sh, qanday qilib siz unga bunday tasavvurni berishingiz mumkin? Oddiygina sizni 
ta`qib qilishiga, izingizdan qolmasligiga imkon bering va osonlikcha o`zingizni topshirib 
qo`ymang. Biroz mashaqqat cheksin, shunda siz u uchun ideal ayolga aylanasiz. 
   Shirin nuqta. 
   Ayol  bilan  erkak  oshiq-ma`shuqqa  aylangandan  keyin  ham  “pol  latta”  va  “orzudagi 
qiz”ning xatti-harakatlari bir-biridan tubdan farq qiladi. 
   Yaxshi  qizlarning  katta  xatosi  ular  boshqa  ayollar  bilan  musabaqalshmoqchi 
bo`lishadi. 
   U erkak bilan ishlaydigan har bir ayolni surishtirib chiqadi “U senga yoqadimi?” deb. 
Yaxshi  qiz  erkak  yoqtiradi  deb  xayol  qilgan  fotomodellar,  raqqosalar,  kinoyulduzlar 
bilan ham musobaqalashishi mumkin.