Metodikalari kafedrasi

STesting – bu o‘quvchilarni xalqaro baholash dasturlari (PISA, TIMSS, 
PIRLS) doirasidagi topshiriqlar bilan ishlash ko‘nikmasini shakllantirishga 
qaratilgan elektron tizim bo‘lib, videoqo‘llanmalar, turli xalqaro nashrlar hamda 
test-topshiriqlarni o‘z ichiga olgan innovatsion platformadir. 
Ushbu platformada 1449 ta test-topshiriqlari, 103 ta videokurslar, 40 ta kimyo 
va biologiya fanlaridan malaka oshirish media kurslari o‘rin olgan. Shulardan, PISA 
xalqaro baholash tadqiqotiga oid 30 ta blok va 489 ta savollar bo‘lsa, TIMSS 
xalqaro baholash tadqiqotiga oid esa 8 ta fanga tegishli 583 ta nazorat savollar joy 
olgan va PIRLS xalqaro baholash tadqiqotiga oid 30 ta blokdan iborat 377 ta 

---

34 
savollar platformaga joylashtirilgan. 
STesting elektron platformasi statistikasiga e’tibor qaratadigan bo‘lsak 2022 
yilning fevral-iyul oylari davomida, yurtimizdagi 7750 dan ortiq maktablar ushbu 
elektron plaftformadan ro‘yhatdan o‘tgan bo‘lib, ularda 2 500 000 dan ortiq maktab 
o‘quvchilarimiz test-topshiriqlarni bajarib kelmoqdalar. Ushbu bajarilgan test- 
topshiriqlar 12 nafar malakali pedagog-mutaxassislar tomonidan o‘zbek va rus 
tillarida tekshirilib baholanmoqda. Hozirda 2 000 000 dan ortiq test-topshiriqlar 
tekshirilib baholandi. 
Ushbu raqamlar ortida, O‘zbekistonning milliy ta’lim tizimini rivojlantirish, 
jozibadorligini oshirish, o‘quvchilarning o‘qish, matematika va tabiiy yo‘nalishdagi 
fanlardan savodxonlik darajasini baholashga yo‘naltirilgan milliy baholash tizimini 
yaratish maqsadlari ilgari surilgan. 
Zamonaviy maktablar o‘quvchilarga doim rivojlanish va o‘sishga, o‘zgarib 
turadigan olamda o‘z o‘rnini topish va rivojlantirishga yordam berishi kerak. 
PISA tadqiqotining eng muhim kashfiyotlaridan biri shuki, ta’lim tizimlari 
o‘zgarishi va yaxshilanishi mumkin ekan. 
O‘tmishda ko‘rgazmali ta’limga amal qilinardi, kelgusidagi ta’lim ko‘proq 
loyihalash va faoliyatga asoslanishi kerak. Buning negizida o‘quvchilarga fanlar 
chegarasidan tashqarida fikrlashga ko‘mak beradigan tajribani shakllantirish 
yotadi. O‘tmishda hamma bir xilda o‘qitilardi, kelgusida esa maktablar xilma-
xillikni, ta’limga differensial yondashuvni rag‘batlantirilishi lozim. 
Tabiiy ilmiy savodxonlik – inson kapitalini rivojlantirishning eng muhim 
omili sanaladi. O‘quvchilarda tabiiy savodxonlikni rivojlantirishda tabiiy 
hodisalarni ilmiy jihatdan tushuntirish ko‘nikmalarini shakllantirish muhim 
omildir. Respublikamizdagi 15-16 yoshli maktab o‘quvchilarning STesting 
elektron plaftormasida bajargan PISA tabiiy-ilmiy savodxonlik bo‘yicha test-
topshiriqlarning natijalarini ilmiy tahlilini taqdim etmoqchiman. 
PISA tabiiy-ilmiy savodxonlik bo‘yicha 6 oy muddatda respublikadagi
7750 maktablarda STesting elektron platformasida 1 000 000 nafar o‘quvchilar 
tomonidan bajarilgan topshiriqlarni baholash ishlari olib borildi. Natijalariga ko‘ra, 
mamlakatimizdagi umumiy baholash natijalari 12% ni tashkil qildi. Ushbu natija 
PISA o‘qish savodxonlik natijalariga (8,8%) qaraganda nisbatan yaxshi ko‘rsatkich 
hisoblanadi.
Toshkent shahar tumanlarida PISA tabiiy-ilmiy savodxonligi natijalari: 
Toshkent shahri maktab o‘quvchilari PISA tabiiy-ilmiy savodxonlik bo‘yicha 
qayd etgan natijalarni mamlakatimizning boshqa viloyat va tuman maktab 
o‘quvchilariga o‘rnak bo‘ladigan natija deb aytib bo‘lmaydi. Shahar bo‘yicha 
ushbu savodxonlik yo‘nalishida umumiy baholash natijalari 7,2% ni tashkil etadi 
xolos. Yashnobod, Yunusobod, Mirobod va Mirzo Ulug‘bek tumanlari 10% dan