Мевачилик асослари doc

 
 
 
 
 
 
 
 
 
 
 
 
 
 
 

---

11 
ЧЕТ МАМЛАКАТЛАРДА МЕВАЧИЛИК 
 
 
Марказий Осиё, Кавказ орти давлатлари, Узоқ шарқ, шунингдек 
Хитой, Ҳиндистон, Бирма, Эрон, Ўрта ер денгизи соҳиллари мева 
дарахтларининг ватани ҳисобланади. Улар Вавилионияда ва Сурияда 
эрамиздан 3000 минг йил илгари, Хитойда 2000 йил илгари, Ҳиндистонда 
1300 йил илгари, Қримда 700 йил илгари, Грецияда 300-400 йил илгари 
экилган. Маълум бўлишича, мева экинларининг кўпчилик навлари 4000 
йилдан ортиқ; гилос, олча, лимон 2 минг йилдан ортиқ; апельсин ва 
резавор мевалар 2 минг йилга яқин вақтдан буён экилиб келинмоқда. 
Дунё бўйича мева экинлари майдони 2008 йилда 39,5 млн. гектарни 
ташкил этиб, шундан энг катта майдонни - 7 млн гектарни зайтун, 17 млн 
гектарни мевали боғлар, 1,5 млн гектардан кўпроғини цитрус экинлар 
ташкил қилган. Боғ майдони жиҳатдан биринчи ўринда Ҳиндистон бўлиб – 
10,7 млн гектар, Хитойда 6,4 млн, Кореяда 1,6 млн, Испанияда 1,5 млн, 
Италияда 1,1 млн, Россияда 0,84 млн, АҚШ да 0,65 млн, Туркияда 0,17 млн 
гектарни ташкил қилади. 
Дунё бўйича ҳар йили 262 млн тоннадан ортиқ мева, ёнғоқ, резавор- 
мева етиштирилади, шундан 72 млн тоннаси Европада, 43 млн тоннаси 
Америкада, 41 млн тоннаси Осиёда, 12 млн тоннаси Африкада, 4 млн 
тоннаси Австралияда етиштирилмоқда. 
Дунё бўйича энг кўп етиштириладиган мева олма бўлиб, ҳар йили 40 
млн тоннадан кўпроқ етиштирилади. Ҳозирги вақтда цитрус мева 
экинларининг салмоғи йилдан-йилга ортиб бормоқда ва ҳар йили 100 млн 
тоннадан ортиқроқ цитрус мевалар етиштирилиб йил давомида истеъмол 
қилинмоқда. Тропик меваларнинг энг кўпи Ҳиндистонда етиштирилмоқда.
Ҳар йили дунё бўйича 63 млн тоннадан ортиқ узум етиштирилади. 
Унинг 85 % Европа ва Осиё давлатлари улушига тўғри келади. Ўртача 
жами етиштирилган узум мевасининг 83 % и вино ва шарбат тайёрлашга, 
12 % и янгилигича исътемол қилишга ва 5 % и эса қуруқ мева (майиз) 
тайёрлашга сарфланади.