Microsoft Word 4944104E-0A75-081B18. doc

Касалликнинг олдини олиш ва қарши кураш усуллари. Четдан олиб 
киритилган қуён албатта карантинда сақланиши лозим. Касаллик қўзғалиши 
билан касалланган қуён дарҳол сўйилиши керак. Гўшти қайнатилиб, умумий 
тартибда сотилиши мумкин. Эмаётганидан тортиб кексасигача барча қуёнлар 
эмланиши керак. 
ЮҚУМЛИ ШАМОЛЛАШ – РИНИТ. Барча қуёнлар орасида кенг 
тарқалган касаллик. Бурундан суюқлик чиқиб, акса уради, олд оёқларида қичима 
пайдо бўлади. Бемор жониворларни сўйиш мақсадга мувофиқдир. 
СТОМАТИТ (“ҳўл тумшуқ”) – юқумли касаллик. Одатда 3 ойга тўлмаган 
қуёнчаларда учрайди. Сўлакнинг кўп ажралиши оқибатида бўйин ва кўкраклари 
ифлосланади, иштаҳалари йўқолиб 5-6 кун бетоб бўлишади. Касал қуёнларнинг 
оғиз бўшлиғини 1-2% мис сульфат эритмаси, калий перманганатнинг (тўқ 
бинафша рангли кристалл модданинг) 0,1-0,2% эритмаси, фурацилиннинг 1:5000 
эритмаси билан ювиб тозаланади. Қуёнга юмшоқ майин ем берилади. 
ЭЙМЕРИОЗ (кокцидиоз) – асосан ёш қуёнларда кузатиладиган ўткир 

---

48
инвазион касаллик. Жониворларнинг озиб-тўзиб заифлашиши, ичбуруғ, 
камқонлик, қорин ҳажмининг йириклашиши, томир тортишиши ва оммавий 
қирилиши билан тавсифланади. Бир неча турга мансуб содда организмларнинг 
ошқозон-ичак тизимидаги шиллиқ пардалар ва жигарнинг сафро оқими йўлида 
йиғилиб қолиши билан юзага келади. Ушбу касаллик йилнинг илиқ ва сернам 
кезларида жадал қўзғалади. 
Касаллик жараёни ва аломатлари. Ёш қуёнчаларнинг иштаҳаси йўқолади, 
ўсиш ва ривожланиши сустлашади. Дефекация тезлашади, нажаси қон ва 
шилимшиқ аралаш чиқади, қорни ва жигари катталашиб кетади. Қуёнларда томир 
тортишиш, бошини орқага ташлаш, орқа оёқларини чўзиб, олд оёқлари билан 
сузиш ҳаракатларини бажариш ҳолатлари кузатилади. Катта ёшдаги қуёнларда 
ҳам сурункали юз бериб туриши кузатилади.