Microsoft Word navoiy garoyibus sigar lotin ziyouz com doc

www.ziyouz.com kutubxonasi 
359
MUSADDAS 
Subhidam maxmurluqtin tortibon dardi sare,
Azmi dayr ettimki, ichgaymen sabuhiy sog‘are,
Chiqti sog‘ar to‘ldurub kofirvashi mahpaykare, 
Naqde din olib ichimga soldi maydin ozare,
Vahki, dinim kishvarin toroj qildi kofire,
Kufr eliga homiyu din ahlig‘a yag‘mogare. 
Demakim, nevchun hayotingdin sanga yo‘q hosile,
Ishqdin ollingda har dam mushkil uzra mushkile, 
Chun bilursen nevchun aylabsen o‘zungni g‘ofile,
Buyla bo‘lg‘ay kimga yori bo‘lsa sendek qotile,
Chobuke, ra’noqadi, no‘shinlabe, xorodile,
Mahvashe nasrinuzore, gulruxe, siyminbare. 
Do‘stlar, gar xalq aro yo‘q men kebi devonae,
Aylamang ko‘p aybkim, yonimdadur mayxonae, 
Anda sho‘xkim tutar har dam to‘la paymonae,
Qaysi sho‘xe bodano‘she ko‘zlari mastonae,
Jon berurda la’lidin Isosifat jononae,
Ko‘ngul olurda yuzidin Yusufoyin dilbare. 
Ul quyosh ishqidakim ko‘nglumga yo‘qtur toqate, 
Shomi zulfidin agar jonimg‘a yetsa mehnate,
Orazi mehrig‘a qilsam mayl ermas hayrate
Kim, erur har kimsakim, nazzora qilsa soate,
Zulfi ko‘zlarni qora qilmoqqa shomi furqate,
Shomi furqat daf’ig‘a ruxsori mehri anvare. 
Mayl qilman bog‘ aro gar bo‘lsa gul yo sunbule, 
Yoki guldek yuzda sunbuldek sochilg‘an kokule,
Ulki, andin har dam aylarmen fig‘onu g‘ulg‘ule,
Gul’uzoredur vale, savti nechukkim bulbule,
Ham guliston bazmi ichra sarv qomatlig‘ gule,
Ham shabiston bazmi ihyosida sham’i anvare. 
Rahm qilmas notavon ko‘nglum aning zori bo‘lub,
Chehra ochmas ko‘zlarimning ashki gulnoriy bo‘lub,
Iltifot etmas tanim hajr ichra bemori bo‘lub,
Vaslidin marham yeturmas bag‘rim afgori bo‘lub,
Olloh-Olloh, bo‘yla ofatning giriftori bo‘lub,
Naylagay bir men kebi zori zaifi abtare. 
Ko‘hi darding za’fliq tan birla chektim muddate
Kim, visol ummididin ko‘nglumda erdi quvvate,
Emdi rahm etkilki, yuzlanmish ajoyib holate,
Ne ko‘ngulda quvvate qolmish, ne tanda sihhate,

---

Alisher Navoiy. G‘aroyib us-sig‘ar 
www.ziyouz.com kutubxonasi 
360
Ne qaroru sabru ne tobu tavon, ne toqate,
Ne ko‘ngul, ne jonu ne ruhu ravon, ne paykare. 
Ul zamonkim, bo‘ldum ul oy mehrig‘a moyil bu nav’,
Bilmadimkim, bo‘lg‘usidur jonima qotil bu nav’,
Kelgusidur ishqida ollimg‘a yuz mushkil bu nav’,
Aylagumdur hajridin mayxonani manzil bu nav’,
Soqiyo, dildorim ul yanglig‘ meni bedil bu nav’,
Rahm etib, aylab manga tutqil labolab sog‘are. 
Oshnolig‘ tark etib, chun yor etar begonalig‘, 
Men qila olman salomat ko‘yida farzonalig‘,
Aylayin dayri fano ahli bila hamxonalig‘
Kim, malomat jomidin hosil etay mastonalig‘,
To bo‘lub bexud Navoiydek qilay devonalig‘
Kim, tarahhum qilmasa, qilg‘ay tamosho ul pariy. 

---

Alisher Navoiy. G‘aroyib us-sig‘ar