Microsoft Word navoiy garoyibus sigar lotin ziyouz com doc

www.ziyouz.com kutubxonasi 
354
MUSTAZOD 
Ey husnunga zarroti jahon ichra tajallo, 
mazhar sanga ashyo,
Sen lutf bila kavnu makon ichida mavlo, 
olam sanga mavlo.
Har yon kezaram telbasifat toki yashundung 
ko‘zdin pariy yanglig‘,
Majnundin o‘zin toki nihon qilmadi Laylo, 
ul bo‘lmadi shaydo.
Uryon badanim zaxmlari ichra emas qon, 
yuz pora ko‘nguldur.
Bu ravzanalardin qiladur har biri ya’ni 
husnungg‘a tamosho.
Har yon nazarim tushsa sen ollimda turarsen, 
ko‘rmas vale ag‘yor.
Ravshandurur ushbuki, emas qobili a’mo, 
nazzorayi bayzo.
Ul nodiradinkim, laqabin hur demishlar, 
husnung erur ahsan.
Ul manzaradinkim, otidur jannati a’lo, 
ko‘yung erur a’lo.
Zuhd ichida topmadi Navoiy chu maqome, 
emdi qilur ohang
Kim, bo‘lg‘ay ulu bodau bir turfa mug‘anniy, 
mug‘ kulbasi ma’vo.
Har gavhari tufrog‘ uza bir qatra su yanglig‘ 
tushkach adam o‘lg‘ay.
Gar qilmasa ishfoq etibon Xusravi G‘oziy 
nazmi sari parvo. 

---

Alisher Navoiy. G‘aroyib us-sig‘ar 
www.ziyouz.com kutubxonasi 
355
MUXAMMASLAR 
1 
Halqayi zulfungda ko‘nglum bo‘lg‘ali g‘am mahrami
Ul qora qayg‘u bilan savdoda chun ortar g‘ami.
Der sanga devonavu shaydolig‘idin har dame,
Ey soching shaydo ko‘ngullarning savodi a’zami,
Halqa-halqa ruhning sarmanzilidur har xami. 
Ey guli suriy jamoling daftaridin bir varaq,
Sabzavu rayhon sening xattingdin elturlar sabaq.
Chini zulfungni ochibon ilgingga olsang taraq,
Sunbulungni tarag‘anda gul uza tongdur araq
Kim, bulutlug‘ kechaning albatta bo‘lmas shabnami. 
Rashkdin har dam yaqindur bag‘rim erib oqqali,
Yuzungga mashshotavu ko‘zgusi mundoq yoqqali,
Zulfungga mashg‘ul erur mashshota zevar toqqali,
Men yiroqdin jon berurmen toqatim yo‘q boqqali,
Yuzi qattiq ko‘zgukim, bo‘lmish jamoling hamdami. 
Og‘zining ramzini mushkildur farovon saqlamoq,
Kim adam bo‘lsa bilur ul roz pinhon saqlamoq,
Barcha dilbarlardin o‘lur jonni oson saqlamoq,
Sen pariyvash hurdin mushkildurur jon saqlamoq
Kim, malak hayrondur ul suvratqa netsun odamiy? 
Zulfi vaslin istasam ruxsori mehrafruzidin,
Yo‘q ajab chun yil kelishi bilgurur navruzidin.
Ko‘zlarim uyi buzuldi ashki sayla anduzidin,
Men bu ko‘z birla uyotlig‘men jamoling yuzidin
Kim, kelur har lahzavu ul go‘shaning bordur nami. 
Atlasi gardung‘a yetti rostiy ushshoq uni
Kim, qabo nevchun quchar nozuk tanin vuslat tuni. 
Bu ajab sarishtadur ko‘rgil aro yerda muni, 
Ul badanning davlatidin tug‘di ko‘nglakning kuni, 
Husni toli’ ko‘rkim, uldur holiy ichki mahrami. 
Ey labing Iso damidek xasta jong‘a choraras,
Vah, necha g‘amzang Navoiy qatlin etgay multamas.
Ul muborak ko‘nglunga bo‘lg‘ay muyassar bu havas,
Lutfini boshtin yana tirguzsang, ey Isonafas
Kim, yetibdur, vah, ani o‘lturgali hijron g‘ami.