Microsoft Word navoiy garoyibus sigar lotin ziyouz com doc

BILA GIRIFTORI QAYD 
Ul turfa qush havosida ko‘z to‘kti durri ashk,
Jon yoydi rishtasin anga aylab havoyi qayd. 
Lekin gar inju sochsa kishi dona o‘rnig‘a,
Tovusni qachon qilur o‘rgamchi domi sayd. 
38 
 
UL MAZMUNDAKIM TAKALLUFLUQ TO‘N MUJIBI KULFATDURU 
BYeTAKALLUFLUQ ADAMI ULFAT 
Kiyib samur ila kish qilma asru ra’noliq,
Ipak libos ila tutma g‘urur jomi to‘la. 

---

Alisher Navoiy. G‘aroyib us-sig‘ar 
www.ziyouz.com kutubxonasi 
388
Tiyinning o‘z tuki-o‘q bo‘ldi jonig‘a ofat,
Farisaning paridin keldi o‘z boshig‘a balo. 
39 
 
LOJUVARDDIN RANGYe KO‘RMAGAN KO‘KIN TUZMAGU UL KO‘KTA RANGYe 
KO‘RGUZMAK 
Shohi sipehrqadr Abobakr ul shahe 
Kim, ko‘k ravoqi dargahi qadrig‘a toq erur. 
Bu charxi lojuvard uza xurshid, go‘yiyo
Ko‘kbo‘z takovarig‘a muzahhab janoq erur. 
Bir pora lojuvard sari go‘yiy angladi
Kim, bu zaifi xastag‘a ko‘p ishtiyoq erur. 
Hukm etti bir qulig‘aki, taslim aylasun,
Go‘yo vusuli ul kishi ollinda shoq erur. 
Yerdin desa qazib chiqaray, yer erur qatiq,
Ko‘k konidin desaki, olay, ko‘k yiroq erur. 
40 
 
KUCh BILA KULGUDIN YIROQ SOVUQLUQQA YoVUG‘ROQ, VALYe KUCh BILA 
YIG‘LAMOQ ERUR ANDIN SOVUG‘ROQ 
Hikmat ahli ollida sovuq sifat yo‘q kimsada
Subhi kozibdek mahalsiz aylagon kulgu kebi. 
Lek mundin ko‘p sovuqdur ashk to‘kmak zo‘r ila
Day yelida qatra-qatra muz tomizg‘an su kebi. 
41 
 
ANONIYaT UYIN BUZMOQ BOBIDAKIM, FANO ZOVIYaSIN TUZMAKDUR VA O‘ZIN 
KAM QILMOQDA O‘ZIN KO‘RGUZMAK 
Kimki, o‘zluk imoratin buzdi,
Bo‘ldi naqdi fano aning muzdi. 
Ul imoratni buzmayin solik
Bo‘la olmas bu naqdg‘a molik.