Microsoft Word stilistika O'UM. doc

КИРИШ 
 
Айрим тилшунос олимлар ўз эътиборини ханузгача кўпрок тилнинг 
расмий қурилиш жиҳатига қаратиб келадилар. Бунинг аҳамиятига эътироз 
билдириб бўлмайди. Аммо эндиликда тил илмининг расмий қурилиш таҳлили 
билангина чеклаб қўйилиши тўлақонли лисоний тадқиқотни юзага келтира 
олмаслиги аён бўлиб қолди. Тил ҳакида объектив мулоҳаза юритиш унинг 
мазмуний-эстетик жиҳатини ҳам назарда тутган холда, нутқий ифоданинг 
таъсирчанлигини юзага келтирадиган лисоний воситаларнинг табиатини, 
уларнинг бадиий нутқ таркибида касб этадиган қўшимча маъно ва маъно 
белгилари ҳамда вазифаларини ҳам таҳлил қилиш орқали мукаммал илмий 
хулосалар яратиш заруратини келтириб чиқаради. Бундай кўп қиррали лисоний 
таҳлил стилистика фанининг юзага келишига сабаб бўлди. 
Стилистика фанидан Ўқув-методик мажмуа (ЎММ) – давлат таълим 
стандарти ва фан дастурида белгиланган талабалар томонидан эгалланиши 
лозим бўлган билим, кўникма, малака ва компетенцияларни шакллантиришни, 
ўқув жараёнини комплекс лойиҳалаш асосида кафолатланган натижаларни 
олишни, мустақил билим олиш ва ўрганишни ҳамда назоратни амалга 
оширишни 
таъминлайдиган, 
талабанинг 
ижодий 
қобилиятларини 
ривожлантиришга йўналтирилган ўқув –услубий манбалар, дидактик воситалар 
ва материаллар, электрон таълим ресурслари, ўқитиш технологияси, баҳолаш 
методлари ва мезонларини ўз ичига олади. 
1.1. Фаннинг мақсади ва вазифалари 
Фаннинг мақсади талабаларга стилистика замонавий тилшунослик
йўналишлари нигохида; стилистиканинг бошқа фанлар билан боғлиқлиги: 
стилистика ва коммуникатив лингвистика, стилистика ва прагмалингвистика, 
стилистика ва лингвокультурология; стилистика турлари: қиёсий стилистика,
амалий стилистика, фуркционал стилистика, индивидуал услуб
стилистикаси, коммуникатив стилистика; стилистик таҳлил методларини
ўргатиш