Mikroiqtisodiyot: amaliy mashg`ulot ishlanmasi I

10. Birinchi yilda ishlab chiqarish hajmi 20%ga keyingi 2 yilda mos ravishda 5% va 40% ga oshdi. 3 yil ichida ishlab chiqarish hajmi qanchaga oshdi?
a) 77.6% ga;
b) 75.8% ga;
v) 65.0% ga;
g) 70.2% ga;
d) 76.4% ga.
11.  Birinchi yili fermer 120 gektarlik yeridan 2400 tsentner bug’doy, ikkinchi yili esa u 150 gektar yerdan 2250 tsentner bug’doy oldi. SHu ikki yil uchun o’rtacha hosildorlikni aniqlang.
a) 18 tsentner;
b) 17.2 tsentner;
v) 15.6 tsentner;
g) 19.4 tsentner;
d) 20.6 tsentner.
12. 500 ta ishchi kuchiga ega bo’lgan korxona oyiga 10 ming dona poyabzal ishlab chiqarardi, keyin ishchilarni 100 taga ko’paytirib 15 ming ta poyabzal ishlab chiqara boshladi. Mehnatning chekli mahsuloti aniqlansin.
a) 50 ta;
b) 60 ta;
v) 70 ta;
g) 80 ta;
d) 90 ta.
13.  Ishchi kuchi narxi 10 ming so’m, kapital narxi 30 ming so’m, firma ishlab chiqarish funktsiyasi esa S=2K². Firmaning mablag’i 130 mingni tashkil etsa maksimal ishlab chiqarishni ta’minlovchi tarkib aniqlansin.
a) L=4 va K=3;
b) L=7 va K=2;
v) L=1 va K=4;
g) L=4 va K=4;
d) to’g’ri javob keltirilmagan.
14. Ishlab chiqarish funktsiyasi S(L,K)= 7∙L^0.2∙K^0.3. Ushbu funktsiya qanday masshtab samarasiga ega ekanligi aniqlansin.
a) masshtab samarasini aniqlash uchun ma’lumot etarli emas;
b) musbat;
v) manfiy;
g) o’zgarmas;
d) to’g’ri javob keltirilmagan.
VI BOB. BOZOR IQTISODIYoTI SHAROITIDA FIRMALARNING ISHLAB CHIQARISH XARAJATLARI
Asosiy tushunchalar
Firma (korxona) - bu ishglab chiarish resurslari egalarining qarorlarini va manfaatlarini muvofiqlashtiruvchi institutsional tuzilma hisoblanadi.
Mas’uliyati cheklanmagan jamiyat - firmani birgalikda tashkil qilib, birgalikda egalik qiluvchi va boshqaruvchi shaxslar guruhi bo’lib, ular firmaning barcha majburiyatlari bo’yicha to’liq javobgarlikni cheklanmagan ravishda o’zlarining zimmalariga oladilar.
Korporatsiya - paychilikka asoslangan jamiyat bo’lib, har bir mulk egasining mas’uliyati ushbu korxonaga qo’shgan hissasi bilan cheklangan.