Ishlab chiqaruvchi muvozanati yoki maksimal mahsulot ishlab chiqarish uchun optimal sarflanadigan mehnat va kapital miqdorini aniqlash sharti - ishlab chiqarishning shuday holatiki bunda har qanday omil uchun sarflangan bir birlik pul miqdori bir xil miqdordagi mahsulot ishlab chiqarishni ta’minlaydi.
Ishlab chiqaruvchi ortiqchaligi (yutug’i) – tovarlarnig haqiqiy narxlaridan chekli (bir birlik qo’shimcha tovar ishlab chiqarishga ketgan) harajatlarni ayirmalari yig’indisiga teng.
Ishchining nafliligini maksimallashtirish sharti (utility maximization rule) – bo’sh vaqtni daromad bilan chekli almashtirish normasini ish haqiga tengligi .
Kapital – uzoq muddatli oraliqda mahsulot ishlab chiqarish uchun foydalaniladigan resurs.
Kapitalni mehnat bilan chekli texnologik almashtirish normasi ikkala ishlab chiqariladigan A va V tovarlar uchun bir xil bo’lib, ular mehnat narxini kapital narxi nisbatiga teng.
Kasaba uyushmasi - bu ishchilar uyushmasi bo’lib, u o’zining a’zolari nomidan va ko’rsatmasiga ko’ra tadbirkorlar bilan muzokara olib borish huquqiga ega tashkilot.
Kvazioptimum – Pareto-samarali hajmida tovar ishlab chiqarish mumkin bo’lmaganda ishlab chiqarish mumkin bo’lgan variantlardan eng yaxshisini tanlash (optimalga yaqin).
Koldora-Xiks mezoni – turmush farovonligi mezoni bo’lib, unga ko’ra yutganlar o’z yutug’ini boy berganlarning yo’qotishidan yuqori deb narxlasa.
Kooperativ o’yin – o’yinda bir neta o’yinchilar o’zaro kelishib, birgalikda o’ynaydi (iqtisodiyotda kooperativ o’yinga misol sifatida karterni qarash mumkin).
Kurno muvozanati – duopolik bozorda har bir firma mustaqil ravishda shunday optimal ishlab chiqarish hajmini tanlaydiki ushbu mahsulot hajmi ikkinchi firmani qanoatlantiradi. Kurno muvozanati firmalarning aks ta’sir qiluvchi funktsiyalari grafiklarining kesishish nuqtasida vujudga keladi.
Lorents chizig’i – biror bir ko’rsatkichni taqsimlanish darajasini ifodalovchi egri chiziq. Bu amerikalik olim Maks Otto Lorens (1876-1944) tomonidan aholi daromadlarining taqsimlanishini narxlash uchun ishlab chiqilgan. Aholidan daromad solig’i olinib, ularga transfert berilgandan keyin Lorens chizig’ining botiqligi kamayadi.
Do'stlaringiz bilan baham: |
