Миллий давлатчилигимиз

СЕЙИСТОН, ҚАНДАҲОР ВА АФҒОНИСТОН
104
 
МАМЛАКАТЛАРИНИ ЗАБТ ЭТИШ 
ҲАҚИДАГИ КЕНГАШИМ 
Хуросон мамлакати бўйсундирилгандан кейин амирларим юқорида эслатилган уч мамлакатга лашкар 
юборайлик, деб маслаҳат бердилар. Мен дедимки: «Агар лашкарларнинг ўзи билангина иш битмасачи? Унда 
ўзим боришим керак бўлади. Менинг эса мўлжаллаб қўйган бошқа ишларим кўп». 
Маслаҳатни шундай деб билдимки, ўша диёрлар ҳокимларини ўзимга оғдириб олиш учун: «Агар менга 
қўшилсанглар (қутуласизлар), курашсанглар йиқиласизлар. У ҳолда такдирингизда нима бўлса, ўшани кўрасизлар», –
деган мазмунда ёрлиғлар йўлладим. Бу тадбирим такдирга тўғри келди. Ёрлиғларим уларга етиши биланоқ итоат 
бошларини бўйсуниш мақомига қўйдилар
105
. 
ЎРУСХОННИ
106
 
БАРТАРАФ ҚИЛИШ ВА 
ДАШТИ ҚИПЧОҚНИ БОСИБ ОЛИШДА 
ҚИЛГАН КЕНГАШИМ 
Тўхтамишхон
107
тахт талашиб (Дашти қипчоқ) хони Ўрусхондан енгилиб, менинг паноҳимга қочиб келган 
эди. Унинг билан қўшин юборсаммикан, ё ўзим борсаммикан деб турганимда, Ўрусхоннинг элчиси келиб 
қолди. Кенгашиб, элчининг кўнглини овлаб, сўнг кетишига ижозат беришни, ўзим эса Дашти қипчоқ томон 
юзланиб, элчининг кетидан лашкар жўнатишни мўлжалладим, токи элчи хотиржамлик билан бўлган 
воқеаларни Ўрусхоннинг мажлисида баён қилсин, эртаси куни менинг қўшинларим қўққисдан уларнинг 
устига бостириб борсин. 
Ўйлаганимдек иш тутгандим, тадбирим тақдирга тўғри келди. Ўрусхон элчиси бўлган воқеаларни сўзлаб 
бераётган пайтда, менинг қўрқмас лашкарим ногаҳон келган селдек Ўрусхон устига ёпирилди. У эса 
қаршилик кўрсатолмай, қочишни ихтиёр қилди. Дашти қипчоқ мамлакати менга бўйсунди
108
. 
ГИЛОН
109
, ЖУРЖОН, МОЗАНДАРОН, 
ОЗАРБАЙЖОН, ШИРВОН
110
, ФОРС ВА ИРОҚ 
МАМЛАКАТЛАРИНИ ЗАБТ ЭТИШ