Минорали кранлар тўғрисида умумий маълумот

Қурилиш кранларининг иш унумдорлиги. Қурилиш кранларининг ўртача иш унумдорлиги (т/соат) машина бир соатда кўтараётган юкнинг массаси билан характерланади.
П_э=60 Q k_юк k_в /t_ц,
бу ерда: П_э - соатлик эксплуатацион иш унумдорлиги т/соат; Q- юк кўтариш қобилияти, т; k_юк - крандан юк кўтариш қобилияти бўйича фойдаланиш коэффициенти; k_В - крандан вақт бўйича фойдаланиш коэффици­енти; t_ц- циклнинг давомийлиги
t_ц= t_m+ t_до,
бу ерда: t_m- машина вақтининг циклдаги ўртача давомийлиги; t_до – қўлда бажа­риладиган жараёнларининг давомийлиги.
Цикл вақти юк кўтариш баландлиги, бурилиш бурчаги, юк габаритлари ва шу каби кўрсаткичларга боғлиқ. Краннинг йиллик иш унумдорлиги қуйидаги ифода билан аниқланади.
П_эй=П_э Тk_в,
бу ерда: Т - краннинг йил давомидаги иш вақти, соат; k_в - смена вақтидан фойдаланиш коэффициенти, бу вақт ўртача 0,85 га тенг.
Краннинг устуворлиги. Эркин турган краннинг устуворлик даражаси унинг устуворлик коэффициенти орқали аниқланади. Бу коэффициент ушлаб турувчи моментнинг ағдарувчи моментга нисбатига тенг. Кран ишчи қурил­маларини турли ҳолатларида уларнинг оғирлик марказлари координатлари ўзгариб туради. Бу эса ағдарувчи ва ушлаб турувчи моментларнинг ўзгаришига сабаб бўлади. Устуворлик коэффициентлари ва уларни аниқлаш усуллари давлат техник назорат идоралари томонидан белгиланади ва тар­тибга солиб турилади. Кранларда юкли (иш вақтидаги) ва хусусий (салт ҳола­тида) устуворлик тушунчалари мавжуд. Юкли устуворлик коэффициенти қуйидагича аниқланади:


К_ю=(М_G - SМ_ин-М_ш)/М_Q ³ 1.15,
бу ерда: M_G=Сg[(b+c)cъs a – h₁sin a] – кран қисмлари оғирлик кучидан ағда­рилиш қиррасига нисбатан ҳосил бўлган момент; SМ_ин=М_ин.юк+М_{ин.кр.юк}+М_м.қ – юкнинг, кран тўхтаётганда ҳосил бўлувчи кран ва юкнинг инерция кучлари ва кранни юк билан айланишида ҳосил бўлувчи марказдан қочма кучлардан ҳо­сил бўлувчи моментлар йиғиндиси; М_ш=W_крa+W_юкL – ишчи ҳолатда кран ва юкка шамол кучи таъсиридан ҳосил бўлувчи момент; M_Q=Qg(A–b) - юкнинг номинал оғирлигидан ағдарилиш қиррасига нисбатан ҳосил бўлувчи момент.
Юксиз ҳолатдаги краннинг устуворлик коэффициенти қуйидагича аниқла­нади:
К_с=М^/_с/M^/_ш ³ 1,15,
бу ерда: М'_с - кран массасидан ағдарилиш қиррасига нисбатан ҳосил бўлувчи момент; M'_ш - салт ҳолатда шамол таъсиридан ҳосил бўлаётган момент.
Стрелали автомобилp, пневмоғилдиракли ва гусеницали ўзи юрар кран­ларни бўйлама ва кўндаланг қияликдаги йўллардан юришида ҳам унинг устуворлиги текширилади. Бу ҳолатда устуворлик коэффициенти 1,4 дан ошмаслиги керак.


Адабиётлар:

1. 
   Р.Ж. Тожиев. Қурилиш машиналари Тошкент «Узбекистон» - 2000.
   
2. 
   Фиделев А.О., Чубук Ю. Ф. Строителне машин, издание четвертое. Киев «Вусшая школа» - 1979.
   
3. 
   Бауман В.А. строителне машин справочник в 2 – х томах 4 – издание. Москва «машиностроение» - 1976.
   
4. 
   Тожиев Р.Ж., Турсунмуродов, К.Т., Услубий қўлланма «Қурилиш машиналир» фанидан Фарғона – 2002.