100
ILOVALAR
1-ilova
Glossariy
Barqaror rivojlanish – jamiyat taraqqiyotining
eng muhim zamonaviy
tamoyillaridan biri. Unga binoan, jamiyatning eng muhim maqsadi – rivojlanishning
uzluksizligini, uning barqaror xarakterini ta’minlashdir. Barqaror rivojlanish o‘z
ichiga iqtisodiy, ekologik, demografik va boshqa komponentlarni qamrab oladi va
nafaqat hozirgi kunda yashovchilar, balki, kelajak avlodlarning
munosib turmush
darajasini ta’minlashni ko‘zda tutadi.
Gender tengligi – jinsiy belgilar bo‘yicha kamsitish, ya’ni diskriminatsiyaning
barcha shakllarini bartaraf qilish. Insonning huquq va erkinliklari kafolatlarini uning
jinsidan qat’iy nazar, qonunchilik va tashkiliy nuqtayi nazardan ta’minlashni ko‘zda
tutadi.
Globallashuv – yagona umumbashariy madaniy, axborot, iqtisodiy makonning
vujudga kelishi hamda mintaqalar va mamlakatlarning har sohadagi o‘zaro
bog‘liqligi va o‘zaro ta’sirining chuqurlashuvi jarayoni.
Davlat hokimiyati va boshqaruvini markazlashtirishni cheklash – eng
sodda tarzda tushuntiriladigan bo‘lsa,
markazlashtirishni cheklash, davlat
boshqaruvining muayyan funksiyalarini
quyi tuzilmalarga, mahalliy hokimiyat
organlariga berishni anglatadi. Shu bilan birgalikda
markazlashtirishni cheklash
hokimiyat tarmoqlari o‘rtasida, hukumat bilan iqtisodiy tuzilmalar o‘rtasida,
shuningdek, davlat organlari bilan fuqarolik jamiyati institutlari o‘rtasida vakolatlar
va muayyan huquqlar qayta taqsimlanishini o‘z ichiga oladi.
Do'stlaringiz bilan baham: 
