Moliya” fanidan O’quv-uslubiy majmua

Jahon xo’jaligi va moliyaviy-iqtisodiy tizim integratsiyalashuvi - jahon iqtisodiy tizimining evolyutsion rivojlanish yo’li bilan o’zaro uyg’unlashuv jarayonlari
Iqtisodiyot tarmoqlari - ishlab chiqarishni amalga oshirish va tayyorlanadigan tovar-xizmatlarning xususiyatlariga mos holda xo’jalik yuritish sohalarining farqlanishi
Iqtisodiyotning rivojlanish tendentsiyalari - iqtisodiyot tarmoqlarining yuksalish jarayonlarida yuzaga keladigan xususiyatlar
Iqtisodiy o’sish sur’ati - mikro- va makrodarajada iqtisodiy faoliyatning oldingi davr ko’rsatkichlariga nisbatan olg’a qarab harakat qilishi
Investitsion muhit - milliy va mintaqaviy miqyosda investitsiyalarni kiritish va sarflash uchun qulay sharoitlarning mavjudlik holati
Integratsiyalashuv - ijtimoiy-iqtisodiy jarayonlarning uyg’unlashuvi
Iste’mol tovarlari - ijtimoiy turmush uchun zarur bo’lgan tovarlar
Ish haqi - ma’lum bir ishni bajarganlik uchun to’lov turi
Ishlab chiqarishni modernizatsiya qilish - yangi texnika va texnologiyalarni qo’llash orqali ishlab chiqarish jarayonlarini zamonaviylashtirish
Kichik biznes va xususiy tadbirkorlik - qonun doirasida shaxsiy javobgarlik ostida o’z mulkini yoki o’zgalar mulkini qarzga olish yo’li bilan amalga oshiriladigan iqtisodiy tashabbuskorlik faoliyati
Qonunchilik palatasi - davlat va jamiyat hayotida qo’llaniladigan qonun loyihalarini ishlab chiqish faoliyatini yurituvchi oliy vakolatli davlat boshqaruv organlaridan biri
Korxonalarni sog’lomlashtirish jarayoni - iqtisodiy nochor korxonalarga ma’lum bir tartibda moliyaviy yordam ko’rsatish
Kredit tizimi - mamlakat moliya-bank tizimida kreditlashtirish jarayonlarini amalga oshirish sohasi
Pul-kredit siyosati - mamlakat ichida mavjud to’lov tizimi va kreditlashtirish jarayonlarini amalga oshirish
Raqobatdoshlik - erkin bozor sharoitlarida korxonaning raqobat kurashiga bardosh berish qobiliyati