Молия органлари ходимлари ва бюджет ташкилотлари молия-ҳисоб бўлинмалари ходимларини тайёрлаш ва қайта тайёрлаш

Давлат бюджети ижросининг банк тизими орқали амалга 
оширилиши ва ғазначилик тизими орқали бюджети ижросининг 
солиштируви. 
 
Бюджетнинг даромадлар қисми ижроси жуда мураккаб жараён бўлиб 
қатор боскичлардан ўтиб амалга оширилади. Тижорий сохада фаолият 
юритувчи солиқ тўловчиларнинг банк ҳисобларидан тўланадиган, ҳамда 
жисмоний шахсларнинг нақд пул шаклда амалга ошириладиган тўловлари 
солиқ органларининг Марказий банк бўлинмалари ёки тижорат банк 
бўлинмаларидаги ҳисобрақамларида жамланади. Давлат солиқ қўмитаси ва 
унинг жойлардаги бўлинмалари солиқ тушумлари ва барча йиғимлар 
тўғрисидаги Ўзбекистон Республикаси ҳудудлари бўйича маълумотларни 
тўплаб Молия Вазирлигига тақдим этади. Яъни солиқлар ва йиғимлар 
тўғрисидаги маълумотлар, солиқ тўлаш даври бошланишиданоқ йиғилиб 
борсада, Молия Вазирлигига ушбу ҳисобот даври якунида келиб тушади. 
Бундан ташқари, Марказий банк томонидан тақдим этиладиган ўтказмалар 
тўғрисидаги маълумотлар Давлат Солиқ Қўмитаси маълумотлари билан ҳар 
доим ҳам мос тушавермайди. Бу ҳол жойлардаги ўтказмаларнинг тушиш 
вақтидаги фарқи бўйича солиштирилишининг турли хиллиги ҳисобига содир 
бўлади.
Бюджет ижросининг касса ижроси жараёнида бюджет маблағлари 
харажатлари уч босқичга бўлинади: 
1-босқич. Тармоқ, вазирликлар ва идоралар ҳисобрақамига тушадиган 
бюджет маблағларининг ҳажмини тасдиқлаш. 
2-босқич. Солиқ органлари орақали бюджетнинг даромад қисмини амалга 
ошириш ва тасдиқланган хажмларига биноан бюджет олувчиларнинг тижорат 
банкларидаги ҳисоб рақамларига етказиб бериш. 
3-босқич. Бюджетдан маблағ олувчиларнинг касса харажатларини амалга 
оширилиши. Бюджетдан маблағ олувчиларнинг тижорат банкларидаги 
ҳисобрақимига тушган маблағ Молия вазирлиги ва унинг жойлардаги молия 
11

---

органларининг назорати доирасидан ташқарида амалга оширилади. Бу 
маблағларнинг назорати тижорат банкларининг ўзирга юклатилади. Тижорат 
банкларининг ҳисобрақамларидаги шу давр ичида ишлатилмаган бюджет 
ташкилотларининг қолдиқ маблағлари тижорат банкларининг ресурс 
маблағлари вазифасини бажаради ҳамда тўлов муддати келгунга қадар ўша 
банк томонидан тижорат мақсадида ишлатилиши мумкин. Бунда тижорат 
тавакалчилиги билан боғлиқ хатарлар уш бу маблағлар зиммасига тушиши 
табиий. 
Юқорида келтирилган муаммоларни, яни бюджет маблағларининг давлат 
назоратидан четда қолиш ва уларнинг тижорий тавакалчиликга дучор бўлиш 
каби муаммоларни ҳал қилиниши, ғазначилик тизими жорий қилиниши билан
бу тизим ҳар бир босқичда пул маблағини аниқ назорат қилиш, миқдор ва 
харажатларнинг вақтида амалга оширилиши жараёнига анча аниқлик киритиш
имконини яратиши билан боғлиқ. Яни бу тизим қуидаги авзалликларни 
яратади: 
-Ягона ғазна ҳисобрақамига пул маблағлари тушумининг ҳажми тушган 
заҳотиёқ бутун тизим қатнашчиларига аниқ ва равшан маълум бўлади; 
-Маблағларнинг тушуми, уларнинг функционал қирқими ва бюджет 
олувчилари доирасидаги бюджет таснифининг категорияларига мувофиқ аниқ 
миқдорларда яққол кўринади; 
-Бунда кўзланган мақсадларнинг молиялаш чегараланиши, яни қайсики 
бюджет маблағининг тақсимловчиси тушган маблағларга яраша харажат 
мажбуриятлари миқдорини аниқ оператив режалаштириши мумкин; 
- имзоланган шартномалар рўйхатига кўра харажатлар суммаси ва тўлов 
ижро этилиши муддати кўрсатилган ҳолат таъминланади; 
-имзоланган келишувлар бўйича аванс шаклида, ва келишувлар давомида 
амалга оширилган тўловлар ҳажми марказлашган холда тизим қатнашчилари 
тарафидан кузатиб борилиши таъминланади; 
-ягона ғазначилик ҳисобварағида пул маблағи тушумининг мавжудлиги 
ва миқдори реал вақда яққол кўринади; 
- тасдиқланган харажатлар сметаси бўйича жорий кунда тўланиши лозим 
бўлган, аванс тўловлар ва бошқа тузатишларни ҳисобга олган ҳолда суммалар 
ҳисоби яққоллашади; 
-Барча ҳисоблар амалга оширилгандан сўнг, охирги тўловдан кейинги 
қолдиқ маблағ миқдори кўринади; 
-Ягона ғазначилик хисоб рақамида хақиқатда ўтказилган бюджет маблағи 
суммаси бўйича хар қандай жорий санага яққол хисобот тақдим этиш имкони 
ва давлат бюджетиниг даромадлар қисми бўйича хар қандай жорий санага 
барча маблағ харакатлари софлиги ва шаффовлигини таминлаган ҳолда жорий 
аудиторлик текшируви ўтказишнинг кескин самарасини ошириш имкониятини 
беради. 
Ўтказилган тақослашдан кўриниб турибдики, бюджетнинг банклар 
орқали ижроси шароитида бюджет маблағларининг бош тақсимловчиси - 
Молия Вазирлигининг бюджет маблағларининг тезкорлиги таъминлашда, 
давлат бюджетиниг даромад қисмига тушадиган маблағларининг кузатаолиши 
12

---

борасида ҳам, бюджет олувчи ташкилотларга тақсимлаб етказиш борасида ҳам 
чегараланган.
Бюджет ижросининг ғазна тизимида бош тақсимловчиси барча маблағлар 
Ягона Ҳисобга тушган вақтдан маблағ олувчига бу сумма тўлангунга қадар 
шафофлигини таминлаш имконини бу тизим кенгайтиради. Маблағларининг 
Ягона Ҳисобга тушишини тартибга солиб туради, улардан вақт тежаш буйича 
фойдаланишнинг энг кулай вариантини танлайди ва бунинг хисобига давлат 
бютжети ижроси самарадорлигини кескин оширади.