Orqa miya kulrang moddasining oldingi shoxidan qanday nerv chiqadi?Harakatlantiruvchi nerv.
Orqa miyaning kulrang moddasining orqa shoxidan qanday nerv chiqadi?Sezuvchi nerv.
Aralash nerv tolasi qanday hosil bo’ladi?Orqa miya kulrang moddasining oldingi va orqa shoxidan chiqqan sezuvchi va harakatlantiruvchi nervning qo’shilishidan.
Orqa miya kulrang moddasi qanday shaklda?Kapalak yoki h shaklda.
Orqa miyadan chiqqan simpatik nerv tolasi nechta qismdan iborat?2 ta.
Simpatik nerv tolasining 1-qismi qayerda boshlanib qayerda tugaydi?Orqa miyadan chiqib,umurtqa pog’onasi atrofida joylashgan nerv tugunlarida.
Simpatik nerv tolasining 2-qismi qayerda boshlanib,qayerga boradi?Nerv tugunlaridan boshlanib,to’qima va organlarga boradi.
O’ng va chap yarimsharlar uchun umumiy bo’lgan oliy nerv markazlarini ko’rsating? Hid bilish,siypalash,eshitish,ko’rish.
Odamning oliy nerv faoliyatiga nimalar kiradi?Xulq-atvor,fikrlashi,ongi va barcha ruhiy xususiyatlari.
Odamning har xil sharoitga moslashuvini nima ta’minlaydi?Oliy nerv faoliyati bilan bog’liq bo’lgan murakkab reflekslar.
”Bosh miya reflekslari” kitobini kim qachon yozgan?I.M.Sechenov,1863-yil.
Shartli reflekslar haqidagi ta’limotni kim yaratgan?M.P.Pavlov.
Reflekslar qanday turlarga bo’linadi?Shartli va shartsiz reflekslar.
Shartsiz reflekslar hosil bo’lishida MNS ning qaysi qismlari ishtirok etadi?Pastki qismlari,ya’ni orqa,uzunchoq,o’rta,oraliq miyadagi nerv markazlari.
Refleksning qaysi turi tug’ma emas?Shartli reflekslar.
Shartsiz reflekslarni ayting?Ovqatni chaynash,bolaning emishi,yutish,hazm qilish,najas va siydik ajratish,nafas olish,qon aylanish.
Qaysi reflekslar nasldan-naslga o’tadi?Shartsiz reflekslar.
Shartli reflekslar markazi qayerda joylashgan?Bosh miya katta yarim sharlar po’stlog’ida.
Shartli reflekslar nimalar asosida hosil bo’ladi?Shartsiz reflekslar.
Shartli reflekslar hosil bo’lishi uchun qanday ta’sirlovchilar ta’sir etiladi?Oldin shartli tasirlovchi, keyin shartsiz ta’sirlovchi.
Markaziy nerv sistemasidasida,ya’ni miyaning nerv hujayralarida qanday fiziologik jarayonlar muntazam ravishda bir-biri bilan navbatma-navbat almashinib turadi?Qo’zg’alish va tormozlanish.
Nerv markazlarining qo’zg’alishi hamda tormozlanishi nima orqali yuzaga kelad?Shartli va shartsiz reflekslar hosil bo’lishi orqali.
Qachon refleks hosil bo’ladi?Miya markazlaridagi nerv hujayralari qo’zg’algan vaqtda ish bajarashi natijasida.
Qanday vaqtda nerv hujayralari dam oladi va o’ziga energiya to’playdi?Tormozlanish vaqtida.
Aqliy mehnat jismoniy mehnat bilan almashtirib turilsa…?Odam uzoq vaqt charchamaydi.
Qachon bosh miya po’stlog’idagi nerv markazlarining aksaryat ko’pchiligi tormozlangan holatda bo’ladi?Uyqu vaqtida.
Odam organizmida tormozlanish jarayoni qanday ahamiyatga ega?O’ziga xos himoyalanish ahamiyatiga ega bo’lib,u miyaning nerv hujayralari zo’riqib,odamda nevroz kasalligi yuzaga kelishining oldini oladi.
Shartli reflekslarning tormozlanishi necha xil bo’ladi va qaysilar?2 xil:shartsiz tormozlanish,shartli tormozlanish.
Shartsiz tormozlanish qanday turlarga bo’linadi?Tashqi tormozlanish va chegaradan tashqari tormozlanish.
Qaysi refleks nozik va o’zgaruvchan bo’ladi?Shartli refleks.
Turli xil yot ta’sirlar shartli refleksga qanday ta’sir ko’rsatadi?Shartli refleksning susayishiga va tormozlanishiga olib keladi.
Agar shartli refleksni yuzaga chiqaradigan shartli signal haddan tashqari kuchli bo’lsa qanday oqibatlarga olib keladi?Shartli refleks vujudga kelmaydi.Bu tormozlanish nerv hujayralarini haddan tashqari kuchli ta’sirot shikastlanishidan saqlaydi.
Do'stlaringiz bilan baham: |
