Monografiya Имомов. Б

dinamikasi va ustuvor yo‘nalishlari” deb nomlangan birinchi bobida XX asrning 
90 yillarida halqaro munosabatlar maydonida sodir bo‘lgan o‘zgarishlar va mazkur 
geosiyosiy jarayonlarda O‘zbekiston–Turkiya o‘rtasidagi o‘zaro hamkorlik 
aloqalarining shakllanishi, ikki davlat o‘rtasidagi siyosiy ziddiyat va o‘zaro 
kelishmovchiliklarning kelib chiqish sabablari hamda ushbu munosabatlarni 
tiklash yo‘lidagi say-harakatlari yangi dalillar asosida tahlil etilgan. Shuningdek, 
so‘nggi yillarda ikki davlat rahbarlarining oliy darajadagi davlat tashriflari hamda 
rasmiy uchrashuvlari jarayonida savdo-iqtisodiy, ilmiy-texnikaviy, madaniy-
gumanitar sohalardagi imzolangan normativ-huquqiy hujjatlar ikki tomonlama 
o‘zaro manfaatli aloqalarning kengayishida muhim ahamiyat kasb etayotganligi 
mazkur monografiyada o‘z aksini topgan. 
PDF created with pdfFactory Pro trial version 
www.pdffactory.com

---

5 
“O‘zbekiston va Turkiya davlatlari o‘rtasidagi iqtisodiy hamkorlik” deb 
nomlangan ikkinchi bobda ikki davlat o‘rtasida iqtisodiy aloqalarining rivojlanishi, 
bank va savdo sohasidagi o‘zaro hamkorlikning holati va istiqbollari hamda 
to‘qimachilik sanoatini rivojlantirish borasidagi hamkorligi tahlil etilgan. 
Shuningdek, O‘zbekiston va Turkiya kompaniyalarining turizm infratuzilmasini 
yaxshilash va yangi sayyohlik yo‘nalishlarini tashkil etish bo‘yicha hamkorligi 
yoritib berilgan. 
“O‘zbekiston va Turkiya Respublikalari o‘rtasidagi madaniy-gumanitar 
sohalardagi hamkorlik” deb nomlangan uchinchi bobda esa ikki davlat 
munosabatlarida ta’lim, fan va sog‘liqni saqlash sohasidagi aloqalarning o‘rni, 
madaniyatning turli yo‘nalishlari bo‘yicha hamkorlikning yo‘lga qo‘yilishi, san’at 
sohasidagi hamkorlikning natijalari tadqiq etilgan.
Mazkur kitob tarix fanlari doktori, professor Abdug‘appor Qirg‘izboyev 
ilmiy rahbarligida tadqiqot olib borgan Imamov Bobir Xujanazarovichning 
“O‘zbekiston va Turkiya Respublikalari o‘rtasidagi iqtisodiy va madaniy aloqalar 
(1991–2018 yy.)” nomli tarix fanlari bo‘yicha falsafa doktori (PhD) dissertatsiyasi 
asosini tashkil qiladi. Bizga mazkur asarni nashr etishda ko‘rsatgan yordamlari 
uchun barcha mutassaddi tashkilotlar va fan olimlariga o‘z minnatdorchiligimizni 
bildiramiz.