Mövzu föVQƏlada hallarda müLKİ MÜdafiƏNİn rolu və VƏZİFƏLƏRİ

Xilasedici dəstə 2-4 komandadan ibarət olub, obyektin əsas mülki müdafiə dəstəsi sayılır. Xilasedici dəstə zədələnmiş adamları axtarmaq, uçqunlar altından, dağıdılmış sığınacaq və binalardan çıxartmaq, həkimə qədər yardım göstərmək, habelə onları zədələmə ocağından aparmaq üçün nəzərdə tutulur.
Xilasedici dəstə bir iş növbəsi (8-10saat) ərzində aşağıdakı işlərdən birin görə bilər: zədələmiş 600-1200 nəfər adamı zədələnmə ocağından çıxarıb 250-350 m məsafəyə daşımaq; zədələnmiş 120-240 nəfəri uçqun altından, qismən uçulmuş binalardan çıxarıb 250-300 metr məsafəyə aparmaq; qismən dağılmış xəndək və ya
qazma tipli 60-120 dalanacağın üstünü açıb sökmək; 18-36 sığınacaq və zirzəminin üstünü açıb sökmək. Həmin işləri yerinə yetirmək üçün dəstə, adatən, mühəndis texnikası və kənd təsərrüfatı texnikası ilə təmin olunur, habelə xüsusi məqsədli dəstələr ilə güclındirilir.
Kəşfiyyat qrupu 3-5 manqadan ibarət olur. Bu qrupun əsas vəzifələri- zədələnmə ocağını hüdudları, dağıntıların xarakterini və miqdarını, radiasiyanın səviyyələrini, zəhərləyici maddələri və bakterioloji vastilərin növünü müəyyən etməkdir. Kəşfiyyat bölmələri yanğınların yerini və ölçülərini, dağılmış və zədələnmiş binaların, sığınacaqların və daldalanacaqların vəziyyətini müəyyənləşdirir, texnikə və nəqliyyatın hərəkəti üçün yararlı olan maşurutlar tapır, harada yaralılar olduğu barədə məlumat toplayır və başqa işləri icra edir. Kəşfiyyat qrupu adamların, texnikanın əmlakın, ərzaqın alafın və suyun zəhərlənməsinə nəzarət etmək işinə də cəlb oluna bilər.
Zərərsizləşdirici komanda – 2-4 qrupdan ibarət olub, ərazini, tikintiləri və texnikanı zərərsizləşdirmək üçün nəzərdə tutulub. Bir iş növbəsində 350-600 min kv.metr sahəni və ya 80-120 min kv.metr tikilini deqazasiya edə bilər.
Sanitar drujinaları dəstəsi – 4-5 sanitar drujinasından ibarətdir və kütləvi zədələnmə ocağında zərərçəkmiş adamlara ilk tibbi yardım göstərmək üçün nəzərdə tutulur. Dəstənin şəxsi heyəti bir iş növbəsəndə 2200-2700 şəxsə ilk yardım göstərə bilər. Dəstə zədələnmə ocağında mülki müdafiənin xilasedici bölmələri ilə birgə işləyir.