5 m den 30 m ge shekem u'lken tezlik alg'an halda juwırıw, bag'dardı shepke, artqa, aldıg'a o'zgertken halda juwırıw, a'ste juwırg'an waqıtta tezleniw sıyaqlı shınıg'ıwlardı orınlaw kerek. Shaqqanlıqtı rawajlandırıw ushın to'mendegi shınıg'ıwlardı orınlaw mu'mkin: ton'qalaq asıw, sıpqanaw, gimnastikalıq skameykada ju'riw, sonday-aq, sherikler menen eki-u'sh topta oyınlar oynaw h.t.b.
Biyiklikke sekiriwdi u'yreniw ushın bolsa turaqlı tu'rde arqan menen sekiriw, bir ha'm eki ayaqta sekiriw, tosıqlardan sekirip o'tiw, qumg'a sekiriw tiyis. Sekirip atırg'anda qollar joqarıg'a hareketlendiriledi, sebebi bul ja'ne de joqarıraqqa sekiriwge ja'rdem beredi. Oyın dawamında voleybolshı toptı qabıllap alıw ushın edenge sekiriwine (jıg'ılıwına) da tuwrı keledi. Bunın' ushın ko'p shug'ıllanıw za'ru'r. Da'slep shınıg'ıwdı jumsaq jerge sekiriwden (jıg'ılıwdan) baslaw kerek
Voleybol jarıslarının' qag'ıydaları
Oyında eki komanda 6 oyınshı menen qatnasadı. Voleybol maydanshasının' uzınlıg'ı 18 m, ken'ligi 9 m, tegis ha'm ju'da' gorizontal bolıwı sha'rt. Onın' qaplaması taxtadan, plastikadan yamasa a'piwayı jerde bolıwı mu'mkin. Maydannın' ken'ligi 5 sm li sızıqlar menen shegaralanadı. Qısqa sızıqlar aldıng'ı, uzınları bolsa qaptal
sızıqlar dep ataladı. Qaptal sızıqlardın' ortası orta sızıq penen tutasadı. Bul sızıq maydandı ten' eki bo'lekke bo'ledi. On' ta'reptegi qaptal sızıqtın' keynine eki 15 sm li sızıqlar sızılg'an boladı. Bul sızıqlar top ılaqtırıw
Do'stlaringiz bilan baham: |
