Mundarija: Bob. Mingtepa arxeologik yodgorligi

Tarixi

1963 -yilda Marhamat tumani yondosh tuman bilan birlashtirilib, tuman markazi Marhamat tumanidagi Russkoe selo shaharchasiga koʻchirilgan. 1965 -yil 15-fevralda tuman nomi oʻzgartirilib, hozirgi Asaka shahriga koʻchirilgan . 1970-yil 7-dekabrda Marhamat tumani bilan qayta tashkil etilgan.

Geografiyasi

Marhamat tumani shimolda viloyatining Asaka , Xoʻjaobod , Buloqboshi tumanlari , sharq va janubda Qirgʻiziston Respublikasi Oʻsh viloyatining Aravon tumani , gʻarbda Fargʻona viloyatining Quva tumani bilan chegaradosh. Maydoni - 0,32 ming kv.km. Marhamat tumanida 1ta shahar (Marhamat), 1ta shaharcha (Polvontosh), 5ta qishloq fuqarolar yigʻini (Marhamat, Qorabagʻish, Shukurmergan, Qoraqoʻrgʻon, Koʻtarma) bor.

Tabiati

Tumanning shimol va shimoli-sharqi tekislik, qolgan qismi togʻ etaklari va yon bagʻirlaridan iborat. Oloy tizmasining etaklaridagi togʻlar, Ulugʻtogʻ (balandligi 1,5 ming metr), Tuyamoʻyin adirlari (920 m) birgalikda Oyim-Marhamat-Xoʻjaobod botigʻini tashkil etadi. Iqlimi - keskin kontinental. Iyulning oʻrtacha harorat - 26,1, yanvarniki - minus 2,9 daraja. Yiliga oʻrtacha 218 – 320 mm yogʻin tushadi. Vegetatsiya davri 220 kun. Koʻproq sharqiy shamollar esadi. Vaqtincha shamollar janubi-gʻarbdan esadi.
Tumann Qoradaryo Qoradaryoning quyi irmoqlari: Shahrixonsoy , Janubiy Fargʻona va Karkidon kanallari oqib oʻtadi. Tuman yerlari Janubiy Fargʻona kanali va Aravonsoydan sugʻoriladi . Tuproqlari, asosan, boʻz tuproq, adirlar arziq, etaklari oʻtloqi boʻz, oʻtloqi, botqoq-oʻtloqi tuproq.
Yovvoyi oʻsimliklardan shuvoq , shoʻra va boshoqlilar, efemer va efemeroidlar, soy boʻylarida va yerosti suvlari yuzaroq joylarida tol , terak , turli xil butalar oʻsadi. Yovvoyi hayvonlardan tulki , boʻri , chiyaboʻri , quyon yashaydi.

Aholisi

Aholisi - 175,7 ming kishi. Tumanning aholisini oʻzbeklar tashkil qiladi. , tojik , qirgʻiz , rus , tatar , koreys , uygʻur , qozoq , ukrain va boshqa millat vakillari ham yashash. 1 kvadrat kilometrga 437 kishi toʻgʻri keladi.