Мундарижа: Кириш

2-расм. АТБ «Агробанк” Тошкент шаҳар филиалининг активлари ва кредитлари, млрд сўм.
Мамлакатимизда олиб борилаётган молия-банк тизимидаги ислоҳотлар натижасида бугун юртимизда фаолият кўрсатаётган банк муассасалари катта- кичик саноат корхоналари, кичик бизнес ва хусусий тадбиркорлик субъектлари, деҳқон ҳамда фермер хўжаликларининг энг ишончли ҳамкорига айланди. Негаки, ялпи ички маҳсулот ҳажми, аҳоли реал иш ҳақи ва даромадларининг ўсишида, юртимизда ишлаб чиқарилаётган маҳсулотларнинг жаҳон бозорида ўз харидорига эга бўлишида, ижтимоий объектлар ҳамда турар-жой бинолари барпо этишдек кенг кўламли бунёдкорлик ишларида қўлга киритилаётган улкан ютуқларда айнан банк муассасаларининг молиявий кўмаги муҳим аҳамият касб этмоқда. (3-расм)

3-расм. АТБ «Агробанк” Тошкент шаҳар филиалининг мажбуриятлари ва капитали, млрд сўм.
Айни пайтда барқарор ва ишончли фаолият юритиб келаётган АТБ «Агробанк” Тошкент шаҳар филиали ҳам иқтисодиётдаги таркибий ўзгаришларни янада чуқурлаштириш, унинг етакчи тармоқларини жадал модернизасия қилиш ҳамда техник ва технологик жиҳатдан янгилаш, қулай ишбилармонлик муҳитини яратиш ҳамда аҳолининг иш билан бандлигини таъминлашга қаратилган тадбирларда фаол иштирок этиб келаяпти. Шунингдек, қулай ишбилармонлик муҳитини яратиш, кичик бизнес ва хусусий тадбиркорлик субектлари, деҳқон ва фермер хўжаликлари фаолиятини ривожлантириш ҳамда аҳолининг иш билан бандлигини таъминлашга қаратилган ҳукумат тадбирларида тўлақонли иштирокчисига айланиб улгурди.
Агробанк ўз инфратузилмаси билан мамлакатимизнинг барча ҳудудларини қамраб олган бўлиб, мижозларга ўзининг 177 та филиали, 169 та минибанки, 248 та маҳсус кассалари, 187 та ҳалқаро пул ўтказмалари шоҳобчалари орқали ҳизмат кўрсатиб келмоқда. Бошқача айтганда, бугунги кунда Агробанк томонидан 200 мингдан ортиқ юридик ҳамда 3.2 миллионга яқин жисмоний шаҳсларга замонавий банк ҳизматлари кўрсатилаяпти. Республикамиз банк секторида Агробанк капитали ҳажми ва филиаллар тармоғи сони бўйича иккита ҳамда активлар миқдори бўйича учта энг йирик банклар қаторига киради.
Шуни мамнуният билан айтиш жоизки, банк фаолияти жаҳоннинг нуфузли халқаро рейтинг агентликлари ҳисобланмиш “ Moody's ” ҳамда “ Fitch Ratings ” компаниялари томонидан “барқарор” деб баҳоланди. Шунингдек, миллий рейтинг агентлиги ҳисобланмиш “Ahbor-Reyting” томонидан Агробанкнинг фаолияти натижалари миллий кўрсаткичлар бўйича энг юқори “ uzA+” “Барқарор” прогнози билан баҳоланди.