Murodulla mirzaev

Mavzuni mustahkamlash uchun savollar

1. Turkiya bilan Yevroittifoq muammolari nimalardan iborat?

2. Bu davrda Turkiya va AQSh munosabatlari qanday bo'lgan?

3. Global siyosatda Turkiyaning tutgan o'rni qanday?

4. Yaqin Sharq muammolarini qanday tushunasiz?
XII Mavzu. XXI ASR BOShIDA TURKIYA

IJTIMOIY-MADANIY HAYOTI
Turkiyaning bugungi demografik holati havas qilgulik darajada. Aholi soni tinimsiz o'sishda. 2019-yilgi ma'lumotga ko'ra mamlakatda 83,15 mln. kishi yashaydi (dunyoda 19-o'rin). 2003-yildagi Turkiya sog'liqni saqlash va aholini tadqiq qilish natijalariga ko'ra, homiladorlikni ogohlantirish vositalarini qo'llash sur'atining o'sish tendentsiyasi tufayli tug'ilish soni pasaygan. Ta'kidlangan natijalarda chaqaloqlar orasidagi o'lim holatlari - 5,8 %, bolalar orasida – 0,85 % va 5 yoshgacha bo'lgan bolalarda – 3,7 % ni tashkil etgani qayd etilgan. 2003-yilda xotin-qizlar umrining uzunligi 71 yoshni tashkil etgan bo'lsa, bu ko'rsatkich erkaklar orasida 66,4 bo'lgan. 2013-yildagi ko'rsatkich bu borada biroz o'zgargan bo'lib, umumiy inson umrining uzunligi 76,9 yosh bo'lgani holda, erkaklarniki – 74,7, xotin-qizlarniki – 79,2 yoshga teng bo'lgan.