Mustaqil ishi Mavzu: O’lchamlar birligini ta’minlash tizimi asoslari. O’lchash asboblariva turlari. Bajardi: Oqomonov Husniddin Qabul qildi: Maxambetova O’ Mundarija

2-bob. O‘lchashlar birligini ta’minlash milliy tizimini yanada rivojlantirishning asosiy yo‘nalishlari
1-§. Qonun hujjatlarini takomillashtirish
3. O‘lchashlar birligini ta’minlash tizimining normativ bazasini milliy iqtisodiyotni rivojlantirish ustuvor vazifalariga muvofiq takomillashtirish, ularni xalqaro talablar bilan uyg‘unlashtirishni ta’minlash.
4. Metrologiya bo‘yicha normativ-huquqiy hujjatlarni xatlovdan o‘tkazish va zarur bo‘lsa, metrologik faoliyatning zamonaviy rivojlanish yo‘llarini hisobga olgan holda ularni qayta ko‘rib chiqish.
5. Respublikada o‘lchashlar birligini ta’minlash masalalarini tartibga soladigan xalqaro, davlatlararo, mintaqaviy standartlar va xorijiy mamlakatlarning standartlarini qabul qilish va qo‘llash huquqiy mexanizmlarini takomillashtirish.
6. Xizmatlarni amalga oshirish yagona tartibini belgilash qismida metrologik ishlar va xizmatlarni o‘tkazishga qo‘yiladigan barcha uchun majburiy bo‘lgan talablarni, ishlab chiqilayotgan hujjatlarga, ishlarga haq to‘lanishiga, ularni bajarish muddatlariga, mas’ul ijrochilarga, shuningdek, metrologik tekshiruv natijalarining rasmiylashtirilishiga va O‘zbekiston Respublikasi o‘lchashlar birligini ta’minlash tizimidagi terminologiyaning bir xil qo‘llanishiga qo‘yiladigan umumiy va maxsus talablarni o‘rnatish bo‘yicha masalalarni huquqiy jihatdan tartibga solish.
7. Xorijiy davlatlar tajribasini o‘rganish va qiyosiy baholash asosida respublikada o‘ramlarga qadoqlangan tovarlarni metrologik tekshiruv va nazoratdan o‘tkazish bo‘yicha huquqiy asoslarni shakllantirish.
8. Davlat metrologiya xizmatiga kirmaydigan yuridik shaxslarning texnik bazasi asosida o‘lchash vositalarining metrologik tekshiruvini amalga oshirish huquqiy masalalarini tartibga solish.
2-§. O‘zbekiston Respublikasi davlat metrologiya xizmati tuzilmasini takomillashtirish
9. Innovatsion g‘oyalar, ishlanmalar va texnologiyalardan keng foydalanishga asoslangan zamonaviy boshqaruv shakllarini joriy etish yo‘li bilan O‘zbekiston Respublikasi davlat metrologiya xizmati tuzilmasini takomillashtirish, shuningdek ularning metrologiya sohasidagi funksional vazifalarini chegaralash.
10. Xalqaro standartlar asosida zamonaviy menejment va metrologik xizmatlar sifatini boshqarish tizimlarini, shuningdek, metrologiya bo‘yicha xizmatlar sifatidan mamnunlikni baholash mexanizmlarini joriy etish.
11. O‘lchashlar birligini ta’minlash milliy tizimida O‘zbekiston vaqt shkalasini yuritish ishlarini amalga oshiradigan vaqt va chastota xizmatini, fizik konstantalar hamda modda va materiallarning xossalari haqida standart axborotli ma’lumotlar xizmatini, shuningdek, putur yetkazmaydigan tekshiruv xizmatini tashkil etish.
12. Mahalliy ishlab chiqarish imkoniyatlarini hisobga olgan holda, respublika sanoatining metrologik tekshiruvini ta’minlash uchun standart namunalar tayyorlash, etalonlar va eng yuqori aniqlikdagi o‘lchash vositalarini yaratish usul va vositalarini tadqiq qilishga yo‘naltirilgan ilmiy-texnik loyihalar ishlab chiqilishini tashkil etish ishlarini faollashtirish yo‘li bilan Milliy metrologiya institutining faoliyatini takomillashtirish.
13. Ustuvor vazifalarni, ilmiy-texnik siyosatni shakllantirish va metrologiya bo‘yicha ishlarni muvofiqlashtirish, O‘zbekiston iqtisodiyot tarmoqlari metrologik ta’minotining qonunchilik va amaliy masalalarini ko‘rib chiqish va ular bo‘yicha asoslangan qarorlar qabul qilish sohasida takliflar ishlab chiqish.
14. Davlat va jamiyatning o‘lchashlarga bo‘lgan ehtiyojlarini tadqiq qilish va prognoz qilish mexanizmi va metodologiyasini ishlab chiqqan holda, qo‘llanayotgan o‘lchash vositalari parkining tuzilmasi va hajmini monitoring va tahlil qilish tizimini yaratish.
15. Ishlab chiqarish metrologik ta’minoti masalalari bo‘yicha autsorsing xizmatlarini tashkil etish orqali shtatida metrolog lavozimi ko‘zda tutilmagan kichik biznes va xususiy tadbirkorlik vakillariga yordam ko‘rsatish, texnik parkini jihozlash va zamonaviylashtirish bo‘yicha maslahatlar taqdim etish.