Mustaqil ishi
Didaktika va uning kategoriyalari
Download 0.5 Mb. Pdf ko'rish
|
MUSTAQIL ISHI 1
Didaktika va uning kategoriyalari.
Didaktika - pedagogika ta’lim jarayonining umumiy qonuniyatlarini о‘rganuvchi fandir, u - ta’lim nazariyasidir. Didaktikaning quyidagi kategoriyalari mavjud: - Dars berish, о‘quv, о‘qitish, ta’lim berish, bilim, malaka, maqsad, darsni mazmunli tashkil etish, uning kо‘rinishlari, shakli, metodi, vositalari, natijalar olish. 1. Dars — о‘quv jarayonining bir etapi, bug‘ini, elementi; ma’no jihatdan tugallangan, tashkiliy hamda vaqt jihatdan cheklangan davr. 2. Dars berish — pedagog faoliyatini, dars, maqsadlarini amalga oshirishni tartibga solish, axborotlarni yetkazish, tarbiyalash, tushunib yetish va olingan bilimni amaliyotda qо‘llay bilish. 3. О‘quv jarayoni — о‘rganish, mashqlar bajarish orqali о‘z faoliyatini boshqara olish asosida yangi bilimlarga intilish, erishish. 4. О‘qitish jarayoni — о‘qituvchi va о‘quvchi orasida о‘zaro tartibga solingan faoliyat, qо‘yilgan maqsadga erishish. 5. Ta’lim — о‘quv jarayoni davomida egallab olingan bilim, kо‘nikma, malaka va fikrlash yо‘nalishlari. Ta’lim jarayonining mohiyati bilim, kо‘nikma va malakalarni egallab olishdir. 6. Bilim – insoniyat tomonidan yaratilgan g‘oyalarni fanlar kesimidagi talqinini nazariy jihatdan о‘zlashtirib olish. Bilimlar - bu о‘quvchilar ongida muayyan sistemada mustahkamlangan, ularning shaxsiy mulkini tashkil etadigan va bundan ular zaruratga kо‘ra foydalana oladigan dalillar, ma’lumotlar, ilmiy nazariyalar, qonunlar, tushunchalardir. 7. Kо‘nikma — о‘zlashtirib olingan bilimlarini turli yо‘llar bilam amaliyotda qо‘llay olish. Kо‘nikma-bu о‘zlashtirib olingan bilimlar asosida amalga oshiriladigan va amaliy jihatdan maqsadga muvofiq harakatlarga tayyorlikda ifodalanadigan ongli faoliyatdir. 8. Malaka — о‘zlashtirilganlarni yuqori darajada ijro eta olish. Malaka - avtomatlashgan, о‘rganib qolingan, muayyan usul bilan bexato bajariladigan harakatdir. Malakalar har xil bо‘ladi: О‘quv malakalari - о‘qish, yozish, og‘zaki hisoblash chizish va hokazo; -mehnat malakalari-arra va boltani ishlata bilish, probirkalarni yuvish, shtativni yig‘ish va hokazo; -harakat malakalari- yurish, sakrash, uloqtirish va hokazo. Kо‘nikma kabi malaka ham egallangan bilimlar asosida hosil qilinadi. Ta’limda esa bilim yetakchi rol о‘ynaydi. 9. Maqsad — о‘quv, ta’limiy maqsad — о‘qitishdan kо‘zda tutilgan va olinadigan ma’lum hajmdagi bilim. 10. Mazmun — ilmiy bilimlar yig‘indisi, amalda qо‘llash uchun beriladigan kо‘nikma va malakalar, ta’lim jarayonida fikrlash, qо‘llash, mulohaza yuritish orqali amalga oshiriladi. 11. Tashkilotchilik - darsda didaktik jarayonni tartibga tushirish, qо‘yilgan maqsadni kо‘zda tutishning eng qulay formasini shakllantirish. 12. Shakl — dars jarayonini amalga oshirishning eng qulay usullari, vositalari, ketma- ketligi, о‘qitishdagi bolalar soni, sarflangai vaqt, joy qulayliklari. 13. Metod — darsning maqsadi va vazifalarini amalga oshirish yо‘llari. 14. Vosita — о‘quv jarayonini olib borishda yordam beruvchi vositalar: о‘qituvchi ovozi, mahorati, darsliklar, qо‘llanmalar, didaktik tarqatma materiallar, sinf jihozi, ITK va boshqalar. 15. Natija — о‘quv jarayonidan kutilgan pirovard natijalar. Ta’lim nazariyasi quyidagilarni о‘z ichiga oladi: 1. ta’lim nazariyasi 2. ta’lim prinsiplari 3. maktab ta’limining mazmuni, usullari, fanning tashkiliy shakllari. Boshqa fanlar kabi kimyo о‘qitish uslubiyoti uchta asosiy masalani hal qilib beradi: 1. ta’lim-tarbiyaviy ishlarning maqsadi va vazifalari; 2. ta’lim-tarbiyaviy ishlarning maqsadi va mazmuni; 3. о‘quvchilarni ma’lumotli qilish va tarbiyalash jarayonlari. Demak, maktabda kimyo о‘qitish uslubiyoti kimyo fanini о‘qitish jarayonida о‘quvchilarning ta’lim, tarbiya va ularning rivojlanishi haqidagi pedagogik fandir. Download 0.5 Mb. Do'stlaringiz bilan baham: |
ma'muriyatiga murojaat qiling