Mustaqil ishi
Kimyo о‘qitish uslubiyotining vazifalari
Download 0.5 Mb. Pdf ko'rish
|
MUSTAQIL ISHI 1
Kimyo о‘qitish uslubiyotining vazifalari.
Kimyo о‘qitish metodikasi quyidagi 3 vazifani bajarishga harakat qiladi: 1. maktab kimyo darsligi uchun kerakli xajmda dalillarni tanlash. 2. kimyo fanidan dars berish usullarini tanlash. 3. о‘quvchilarni bilimini oshirishda о‘qituvchi faoliyati orqali kitob, kino, radio,televizor va boshqa vositalardan foydalanishni о‘quvchilarga о‘rgatish. Kimyo fanining hodisalari hayot bilan chambarchas bog‘liq holda bо‘lishini va falsafali talqin qilishini talab qiladi. Kimyo о‘qitish о‘quvchilarda asta-sekin kimyoviy dunyoqarash hosil qilishi kerak. Kimyo о‘qitish uslubiyotining funksiyasi о‘rta maktab о‘quvchilarining asosiy kimyoviy dalillarni, kimyoviy tushunchalar, qonuniyatlarni va nazariyalarni, ularni kimyoga xos bо‘lgan jumlalarda ifodalashning qulay yо‘llarini topishdan iborat. 1. Kimyoning ilmiy asoslari bilan tanishtirish. 2. Kimyo о‘quv kursining tuzilish sistemasini о‘rganish. 3. О‘quvchilar tarbiyasining mazmuni va uslubiyoti bilan tanishish. 4. Kimyo о‘qitish jarayonida о‘quvchilarni tarbiyalash. 5. Maktabda о‘tkaziladigan kimyoviy tajribalar uslubiyotini о‘rganish. 6. Sinfdan tashqari ishlarni olib borish. Kimyo о‘qitish uslubiyotining ta’sir etish obyekti - har xil saviyadagi, har xil xarakterga, har xil qiziqishga va boshqa xususiyatlarga ega bо‘lgan о‘quvchilardir. Pedagogika fanining bir bо‘limi bо‘lgan kimyo о‘qitish uslubiyoti tekshirishning umumpedagogik usullaridan: kuzatish, ta’lim-tarbiya muassasalarining hujjatlarini о‘rganish, tо‘plangan dalillarni analiz qilish, ish gipotezasi, pedagogik tajriba, ta’lim- tarbiyaviy jarayonining qonuniyatlarini topish kabi usullardan foydalaniladi. Kimyo о‘qitish uslubiyoti pedagogika hamda kimyo bilangina emas, balki boshqa fanlar bilan ham chambarchas bog‘langan, masalan: falsafa, iqtisodiyot, ekologiya, fizika, matematika, tarix va hokazo. Kimyo о‘qitish uslubiyotining asosiy vazifasi - bо‘lajak о‘qituvchiga maktabda ishlash uchun kerakli bilim berish, malaka va kо‘nikmalarni hosil qilish. Kimyo о‘qitish uslubiyoti ma’lum ketma-ketlikda о‘rganiladi. Avval о‘rta maktabda kimyo fanining ta’lim-tarbiyaviy funksiyalari kо‘rib chiqiladi, sо‘ngra kimyo о‘qitish jarayonini tashkil qilinishi bilan tanishiladi. Kursning bu qismida kimyo о‘qitish usullari, о‘qitish vositalari, о‘qitish shakllari, о‘qituvchining mehnatini ilmiy tashkil qilish kabi masalalar kо‘riladi. Bundan tashqari talabalar kimyoviy tajribalar kо‘rsatishda kо‘nikmalarga ega bо‘lishi, maktab dasturidagi mavzularining о‘qitish uslubiyoti va maktab kimyoviy masalalarni yechish uslubiyotini egallab olishi, darsni rejalashtirish, matn tuzish va darslar berishini о‘rganishlari kerak. Umumta’lim maktablarning yana bir asosiy vazifalardan biri - о‘sayotgan avlodni tarbiyalashdir. Har bir jamiyat yosh avlodni tarbiyalashga о‘ziga xos talablarni qо‘yar edi. Kimyo darslarida о‘quvchilarni mehnatsevarlikka, ilmiy dunyoqarashni shakllantirishga, tabiatni muhofaza qilishni о‘rgatishga keng imkoniyatlar bor.О‘qituvchi asosiy ishni, albatta, darsning о‘zida- sinfda о‘tkazadi, ammo bu maqsadda sinfdan tashqi mashg‘ulotlardan ham foydalanadi. Ayniqsa, о‘quvchilarni ekologik tarbiyalashda biologiya, geografiya, tarix, adabiyot о‘qituvchilari bilan birgalikda tadbirlar о‘tkazilsa maqsadga muvofiq bо‘lar edi. О‘quvchilar dunyoqarashini shakllanishida fanlararo bog‘lar ham katta ahamiyatga ega. Buning asosiy maqsadi о‘quvchilarda dunyoning zamonaviy ilmiy birligini anglatishdir.
|
ma'muriyatiga murojaat qiling