Namangan davlat chet tillari instituti tillar va ijtimoiy gumanitar fanlar kafedrasi

Nazorat uchun savollar:

1. Tarbiya jarayonining mohiyatini qisqacha tavsiflang.

   
   

2. Tarbiya maqsadi nimadan iborat?

   
   

3. Tarbiya jarayonining o‘zigaxos xususiyatlari nimalardan iborat?

   
   

4. Tarbiya jarayonida qanday vazifalar hal etiladi?

   
   

Adabiyotlar:
1. To‘xtaxadjaeva M. Pedagogika. - T.: O‘zbekiston Faylasuflari Milliy jamiyati, 2010.190-204b.
2.Jeff Halstead . Navigating the new pedagogy. R and Education, 2011.27-30b

5- Mavzu: Tarbiya jarayonining shakllari va metodlari


Reja
1.Tarbiya metodlari haqida tushuncha.
2.Tarbiya metodlari klassifikatsiyasi.
3.Jamoa haqida tushuncha.
4.O‘quvchilar jamoasi - pedagogik jarayonning asosiy shakli sifatida.


Tayanch tushunchalar:
Tarbiya – education, metod – method, tarbiya metodlari - methods of education, maqsad – goal, vazifal – task, tarbiya jarayoni - process of education, yosh xususiyat – features, ijtimoiy ong – socilaconsciousness, pedagogic talab - task of pedagogy


Tarbiya metodlari haqida tushuncha. Maqsad, mazmun, shakl, metod va vositalar kabi tushunchalar tarbiya jarayonining mohiyatini ochib beradi. Biroq, tarbiya mohiyatini yoritishda o‘ziga xos ahamiyatga ega bo‘lgan yana bir tushuncha ham mavjud, bu tarbiya metodlari tushunchasidir.
Tarbiya metodi (yunoncha «metodos» – yo‘l) tarbiya maqsadiga erishishning yo‘li; tarbiyalanuvchilarning ongi, irodasi, tuyg‘ulari va xulqiga ta’sir etish usullari. Maktab amaliyotiga tatbiq etilganda, metodlar – bu tarbiyalanuvchilarning ongi, irodasi, tuyg‘ulari va xulqiga ta’sir etish usullaridir.Tarbiyaning mutlaqo yangi metodlarini yaratishga bironta tarbiyachining kuchi etmaydi. Metodlarni takomillashtirish muammosi doimo mavjud, har bir tarbiyachi o‘zining imkoniyatiga ko‘ra uni hal qiladi, tarbiya jarayonining aniq shart-sharoitlariga mos ravishda o‘zining xususiy qarashlarini ifoda etish asosida umumiy metodikani boyitadi.Metodning ijobiy va salbiysi bo‘lmaydi, tarbiya jarayonida ma’lum yo‘lni yuqori darajadagi samarali va samarasiz deya baholash mumkin emas. Metodning samaradorligini u qo‘llanilayotgan sharoit nuqati nazaridan baholash mumkin.Tarbiya metodlarini maqsadga muvofiq tanlash bir qator omillarga bog‘liq.