Наманган муҳандислик-технология институти

ТАНАФФУСДАН СЎНГ
РАИС: – Ҳурматли кенгаш аъзолари! Бугунги мажлисимиз натижаларини эълон қилиш учун сўз сайланган саноқ комиссияси раиси и.ф.н, профессор Казаков Олимжон Собирович марҳамат.
Казаков.О.С.: Наманган мухандислик-технология институти ҳузуридаги илмий даражалар берувчи РhD.03/27.05.2020.I.66.03 рақамли Илмий кенгаш сайлаган Ҳисоб комиссияси мажлисининг
11-сонли Б А Ё Н Н О М А С И
2022 йил, 14 декабрь
Сайланган комиссия таркиби:
Иқтисодиёт фанлари номзоди, профессор Казаков О.С.(раис)
Иқтисодиёт фанлари номзоди, доцент Исраилов Р.И
Иқтисодиёт фанлари фалсафа доктори (PhD) Мухитдинов.Ш.З
Комиссия - Жўраев Илҳомжон Камолидинович томонидан тайёрланган 08.00.15 – “Тадбиркорлик ва кичик бизнес иқтисодиёти” ихтисослиги бўйича иқтисодиёт фанлари бўйича фалсафа доктори (PhD) илмий даражасини олишга қўйилган диссертацияси юзасидан яширин берилган овозларни санаш учун сайланган.
Кенгаш таркиби ОАК томонидан 11 кишидан иборат этиб тасдиқланган. Илмий кенгаш таркибига ҳал қилувчи овоз ҳуқуқи билан қўшимча равишда киши киритилмаган. Мажлисда кенгаш аъзоларидан
10 киши, шу жумладан кўриб чиқилаётган диссертация ихтисослиги бўйича
5 нафар фан доктори иштирок этди.
Мажлисда 10 та бюллетень тарқатилди (шундан электрон тизим бўйича 4 та). 1 та бюллетень тарқатилмай қолди. Қутичада 6 та бюллетень борлиги аниқланди ва электрон тизимда 4 та бюллетень борлиги хабари келиб тушди.
Овоз бериш натижалари: Жўраев Илҳомжон Камолидиновичга иқтисодиёт фанлари бўйича фалсафа доктори (PhD) илмий даражасини бериш ҳақидаги илтимосномани ёқлаб овоз берилди.
Тарафдорлар – 10 та. (100%)
Қаршилар – йўқ.
Яроқсиз деб топилган бюллетенлар – йўқ.
(Ҳисоб комиссияси раиси ва аъзоларининг имзолари).
Комиссия мазкур баённомани тасдиқлаб беришингизни сўрайди.
РАИС: – Ҳисоб комиссияси баённомасини тасдиқлаш бўйича қандай фикрлар бор? Тасдиқлансин, деган ўртоқлар овоз берсин. (Кенгаш аъзолари: тасдиқлансин)