Nashriyot-matbaaijodiy uyi

Mikroprotsessor — funksional tugallangan, bitta yoki bir necha KIS 
yoki O'KIS ko'rinishida bajarilgan, raqamli axborotni ishlovchi, xotirada 
saqlovchi dastur bilan boshqariluvchi qurilmadir. Bu qurilmani mikro-
protsessor deyiladi, chunki u vazifalari va tuzilishiga ko'ra odatdagi EHM 
protsessorining soddalashtirilgan xilini eslatadi. Ixchamligi, og'irligi kamligi 
va kam energiya iste'mol qilishi mikroprotsessorni o'lchov qurilmalarining, 
avtomatik rostlash va boshqarish vositalarining elektron sxemasiga bevosita 
ulash imkonini beradi. Mikroprointegratsiyalashning kichik va o'rtacha 
darajasidagi integral sxemalarda qurilgan protsessorlarga qaraganda ancha 
arzon, ishlatishda tejamliroq va ishonchliroqdir. Mikroprotsessor dasturla-
nuvchi mantiqli KIS yoki O'KIS ga asoslangani uchun u qat'iy qayd 
etilgan mantiqli integral sxemalarning ancha turlarining o'rnini bosdi. 
Mikroprotsessorning dasturini o'zgartirib, uning yordamida ko'pgina turli 
xil masalalarni yechish imkoni yaratilishi mumkin. 
Mikroprotsessor, odatda, maxsus ishlab chiqilgan o'zining konstruktiv-
texnologik qiymatlariga ko'ra bir xil va yagona butun yig'ilishi mumkin 
bo'lgan alohida mikroprotsessorli va boshqa integral sxemalarning yig'in-
disidan iborat bo'lgan mikroprotsessor komplekti (to'plami) tarkibida 
foydalaniladi. Komplekt tarkibiga: mikroprotsessorlar, xotirlovchi qurilmalar, 
axborotni kiritish, chiqarish, mikrodasturli boshqaruv va hokazolarning 
integral sxemalari kiradi. 
Mikroprotsessor komplektlari mikroprotsessorli tizimlar, mikro EHMlar, 
mikrokontrollerlar va boshqalar kabi keng funksional imkoniyatlarga va 
yagona matematik ta'minotga ega bo'lgan raqamli boshqariluvchi hisoblash 
qurilmalarini qurish uchun mo'ljallangan. 
Mikroprotsessorli tizim — ishlayotgan tizimga tashkil qilingan 
mikroprotsessorli komplektning o'zaro ta'sirlanuvchi integral sxemalarining 
yagona bir butun to'plamiga yig'ilgan to'plamidir, ya'ni mikroprotsessorli 
hisoblash yoki boshqarish tizimi axborotga ishlov berish bo'g'ini sifatida. 
MikroEHM — bu konstruktiv tugallangan hisoblash qurilmasi bo'lib, 
u alohida korpusda integral sxemalarning mikroprotsessor komplekti asosida 
tuzilgan va ta'minot manbaiga, boshqaruv pultiga, axborotni kiritish-
chiqarish bo'g'inlariga ega bo'lib, bu esa undan o'z dasturli ta'minotiga ega 
avtonom (erkin) ishlovchi qurilma sifatida foydalanishga imkon beradi. 
MikroEHM lar strukturasiga ko'ra odatdagi EHM lardan ancha sodda 
qilib quriladi. Bu, magistral modulli deb ataluvchi juda o'zgaruvchan 
strukturaning asosini (9.1-rasm) umumiy magistral (umumiy shina) 
tashkil etib, unga mashinaning bir-biri bilan interfeyslar yordamida 
bog'langan konstruktiv tugallangan modullari ko'rinishida bajarilgan talab 
qilingan nomenklatura va miqdordagi hamma qurilmalari ulanadi.