Navbaxor branch of regional public education

NAVBAXOR BRANCH OF REGIONAL PUBLIC EDUCATION

37-ИХТИСОСЛАШТИРИЛГАН МАКТАБ-ИНТЕРНАТИ Навбаҳор туман «Меҳнат» маҳалласи Тел: [phone]

“ 8 ” январ 2019 йил 100 - сонли Буйруқ Навбаҳор тумани

Ўзбекистон Республикаси Вазирлар Маҳкамасининг 2012 йил 19 июндаги “Баркамол авлодни тарбиялашда оила институти ва фуқароларнинг ўзини-ўзи бошқариш органларининг таълим муассасалари билан ўзаро ҳамкорлигини янада ривожлантириш чора-тадбирлари тўғрисида”ги 175-сонли қарори ижросини таъминлаш ҳақида

Жисмонан соғлом, маънавий етук ва ҳар томонлама ривожланган баркамол авлодни тарбиялашда оила институти, ота-оналар ва фуқароларнинг ўзини-ўзи бошқариш органларининг мактаб билан ўзаро ҳамкорлигини мустаҳкамлаш мақсадида

Б У Ю Р А М А Н :

1.Ўзбекистон Республикаси Вазирлар Маҳкамасининг 2012 йил 19 июндаги “Баркамол авлодни тарбиялашда оила институти ва фуқароларнинг ўзини-ўзи бошқариш органларининг таълим муассасалари билан ўзаро ҳамкорлигини янада ривожлантириш чора-тадбирлари тўғрисида”ги 175-сонли ҳамда вилоят ҳокимининг 2012 йил 23 июндаги Қ-119-сонли қарорлари раҳбарлик ва ижро учун қабул қилинсин.

2. Вазирлар Маҳкамасининг ушбу қарори билан, қуйидагилар:
Ўзбекистон Республикаси Халқ таълими, Олий ва ўрта махсус таълим вазирликлари, Ўрта махсус, касб-ҳунар таълими маркази ҳамда Республика “Маҳалла” Фондининг Ўзбекистон Республикаси Халқ таълими вазирлиги ҳузуридаги “Оила-маҳалла-таълим муассасаси” ҳамкорлиги Жамоат кенгашини (кейинги ўринларда Жамоат кенгаши деб аталади) ҳамда Қорақалпоғистон Республикаси Халқ таълими вазирлиги Тошкент шаҳар ва вилоятлар халқ таълими бошқармалари ҳузурида “Оила-маҳалла-таълим муассасаси” ҳамкорлиги ҳудудий жамоат кенгашларини (кейинги ўринларда ҳудудий Жамоат кенгашлари деб аталади) тузиш тўғрисидаги таклифлари;
Жамоат кенгашининг таркиби шунингдек ҳудудий Жамоат кенгашларининг намунавий таркиби маъқулланганлиги маълумот учун қабул қилинсин.
3. “Оила-маҳалла-Таълим муассасаси” ҳамкорлиги мактаб Жамоат кенгашининг таркиби 1-иловага мувофиқ тасдиқлансин.
Қуйидагилар мактаб Жамоат кенгашининг амалга оширадиган муҳим вазифалари этиб белгилаб қўйилсин:
-оила , маҳалла, мактаб ҳамкорлигининг самарадорлиги ва натижадорлигини таъминлаш;
-ота-оналарнинг фарзандлари тарбиясидаги ўрни, мажбурияти, масъулияти ва фарзандлар билан ўзаро муносабатларини мустаҳкамлашга кўмаклашиш;
-мактабдаги таълим-тарбия сифатини ўрганиш ва уларни янада такомиллаштиришга оид тадбирларни амалга ошириш;
-қонунчилик талабларидан келиб чиқиб мактабга яқин ҳудудларда алкоголли ва тамаки маҳсулотларини сотилишига йўл қўймаслик бўйича жамоатчилик назоратини ўрнатиш;
-таълим тизимидаги ислоҳатлар ҳақида ота-оналар ва кенг жамоатчиликнинг узвий маълумотга эга бўлишларини таъминлаш;
-ўқувчи-ёшларнинг зарарли одатлар йўлига каришига сабаб бўлаётган омилларга қарши манзилли профилактик тадбирларни амалга ошириш;
4.Ушбу қарор ижросини таъминлаш мақсадида чора-тадбирлар режаси 2-иловага асосан тасдиқлансин.

5.Ушбу буйруқ ижосини назорат қилишни ўз зиммамда қолдираман.