Nemis adabiyoti tarixi

1.	Adabiyot fani, uning objekti va boshqa fanlar qatoridagi o’rni
1.1.	Adabiyot tushunchasi va uning manbalardagi talqini
1.2.	Adabiyotning uch zaruriy komponenti
1.3.	Antik davrlarda adabiyot va uning yunon manbalaridagi tahlili
1.4.	Adabiyotda klassitsizm va unga Y.E.Lessing munosabati
2.	Nemis tilida yaratilgan adabiyotlarning ilk manbalari
2.1.	Qahramonlik eposi
2.2.	Nibelunglar haqida qo’shiq
2.3.	Hildebrant qo’shig’i
3.	Ritsarlik adabiyoti
3.1.	Ritsarlik adabiyoti
3.2.	Ritsarlik va kurtuaz romanlari
3.3.	Xartman fon Aul va uning “Bechora Haynrix” romani, unda ko’tarilgan muammolar
3.4.	Gottfrid fon Strasburgning “Tristan va Izolda: romani
3.5.	Ritsarlik poeziyasi
4.	Uyg’onish davri adabiyoti
4.1.	Ilk nemis gumanizmi
4.2.	J.Royxlen va uning :Jaholatparastlar maktublari” asari
4.3.	Ulrix fon Xutten va nemis uyg’onish davri
4.4.	Erazm Rotterdamskiy va nemis gumanizmi
5.	Reformatsiya davri adabiyoti
5.1.	Katolik cherkovi va siyosiy parokandalik
5.2.	Nemis reformatsion harakatida uch yo’nalish
5.3.	M. Lyuter va katolik cherkovi
5.4.	M.Lyuter va dehqonlar harakati
6.	Byurgerlik adabiyoti
6.1.	Ahmoqlar satirasi
6.2.	Sebastian Brant va byurgerlik adabiyoti
6.3.	X.Saks va uning „Ishyoqmaslar mamlakati” satirasi
6.4.	Uyg’onish davri va xalq kitoblari
7.	XVII asr nemis adabiyoti
7.1.	Martin Opits va uning nemis she’riyati haqidagi kitobi
7.2.	Hans Grimmelshauzen “Simplitsizmus” muallifi
7.3.	Andreas Gritius shoir va dramaturg sifatida
8.	XVIII asr birinchi yarmida ma’rifatparvarlik adabiyoti
8.1.	“Bo’ron va hujum” davri adabiyoti
8.2.	Herder va jahon adabiyoti
8.3.	J. Gottshed – nemis ma’rifatparvarligi tashabbuskori
9.	XVIII asr nemis adabiyoti
9.1.	Y.E.Lessing – nazariyotchi, tanqidchi va dramaturg
9.2.	Romantizm
9.3.	Yena romantizmi. F. Schlegel
10.	Yohan Volfgang fon Gyote
10.1.	Gyote – dramaturg
10.2.	Gyotening nasriy asarlari
10.3.	Faust – ma’rifatparvarlik davrining shoh asari sifatida
11.	Friydrix Shiller
11.1.	Talabalik ilhomlari
11.2.	“Qaroqchilar”, “Makr va muhabbat” muallifning ilk dramalari sifatida
11.3.	F.Shiller dramalari O’zbekistonda
12.	Haynrix Hayne
12.1.	Hayne: Rad etilgan sevgi iztiroblari – Qo’shiqlar kitobi. Hayne lirikasi
12.2.	“Germaniya qish ertagi” poemasi
13.	Naturalizm
13.1.	Gerhard Hauptman
13.2.	Gerhard Hauptman va uning “Kun botish oldidan” (“Hayot shomi”) dramasi
14.	XX asr tanqidiy realizmi
14.1.	Haynrix Mann
14.2.	Tomas Man
14.3.	Herman Hesse
14.4.	Stefan Tsvayg
14.5.	Frans Kafka
15.	GDR adabiyoti
15.1.	Yo.R. Beher
15.2.	B. Breht
15.3.	Krista Volf
16.	GFR adabiyoti
16.1.	Haynrix Byol
16.2.	Gyunter Grass
16.3.	Martin Valser
16.4.	Uwe Timm
16.5.	Herta Myuller
17.	Yangi postmodernist adabiyotning vujudga kelishi
17.1.	Patrik Zyuskind
17.2.	Robert Shnayder
	Savollar, nazorat uchun vazifalar va mutolaa matnlari
	Adabiyotshunoslik terminlari lug’ati
	Xotima

KIRISH

Chet tillari bo’yicha mutaxassislarni tayyorlash jarayonida o’rgatilayotgan til mamlakatning adabiyoti bilan talabalarni tanishtirish muhim ahamiyat kasb etadi.

Chet tili o’rganish jarayonida nemis adabiyotlaridan olingan materiallarga turli jabhalarda (og’zaki va yozma nutq amaliyoti, mustaqil mutolaa, frontal o’qish, badiiy matn tahlili, yozuvchilar ijodiga murojaat va b.) murojaat etishni inobatga olinadigan bo’lsa, mazkur fanning ham nazariy, ham amaliy ahamiyati namoyon bo’ladi.
Nemis adabiyoti tarixi kursi shoirlar, adiblar, kitoblar haqidagi talabalarning uzuq-yuluq tassavurlarini sistemalashtiradi, tarixiy – adabiy jarajon haqidagi bilimlarning izchil bo’lishini ta’minlaydi.
Adabiyot kursi ma’rifiy maqsadlarni nazarda tutish bilan birga tarbiyaviy ahamiyatga ham egadir. U bo’lajak mutaxassisda yuksak axloqiy fazilatlarni shakllantirish bilan bir qatorda unda fuqarolik mas’uliyati, komil inson e’tiqodini mustahkamlashga xizmat qiladi.
Demak, nemis adabiyoti maxsus mafkuraviy ahamiyat kasb etuvchi ijtimoiy fanlar majmuasiga mansubdir.
Mazkur darslik asosan talabalarning auditoriyada tinglangan ma’ruzalarini to’ldirish va amaliy mashg’ulotlar va mustaqil mutolaa uchun mo’ljallangan. Nemis adabiyoti tarixi Germaniya, MDH va O’zbekistonda chop etilgan nemis, o’zbek va rus tillaridagi manba’lar asosida yaratilgan.
Darslikni yaratish zarurati yana shu bilan izohlanadiki, shu paytgacha ta’lim o’zbek tilida olib boriladigan guruhlarda nemis adabiyoti bo’yicha birorta darslik yoki qo’llanma yo’q edi.
Chet tilini o’rganayotgan talabalar adabiyot kursining murakkab g’oyaviy-estetik problematikasini tushunishlarini yengillashtirish va mazkur fanni til bo’yicha praktikumga aylantirmaslik maqsadida, materiallar o’zbek tilida, qisman topshiriqlar, tavsiyalar mustaqil ish manbalari, shuningdek, adabiyotlar ro’yxatini ikki tilda (o’zbek va nemis tillarida) berishni maqsadga muvofiq deb topildi.
Bundan tashqari universitet o’quv dasturida mazkur fan bo’yicha ma’ruzalar sezilarli darajada qisqartirilgani bois o’qituvchi dars jarayonida fanning umumiy va prinsipial masalalari bilan cheklanib qolishga majbur.
Darslik nemis adabiyoti tarixi kursi bo’yicha yagona manba vazifasini o’tashga da’vogarlik qilmaydi. Mazkur ish talabalarga nemis adabiyoti tarixining ayrim davrlari bilan chuqurroq tanishish, leksiyada o’tilgan mavzularni mustahkamlashga xizmat qiladi.
Darslik, shuningdek, talabaning ilk manbalar va maxsus adabiyotlar bilan mustaqil ishlashlari uchun ko’mak beradi.
Kurs bo’yicha tavsiya etiladigan adabiyotlar va tanqidiy materiallar darslik so’nggida ilova qilinadi.
Muallif darslikni tayyorlashda nemis adabiyoti tarixi bo’yicha chiqarilgan o’quv dasturlariga suyangan holda materiallarni izchil va maqsadga muvofiq tarzda joylashtirishga harakat qildi.
Darslikda nemis adabiyoti tarixi fanining obyekti va predmeti, nemis adabiyotining ilk manbalari, qahramonlik eposlari (“Nibelunglar haqida qo’shiq”, “Xildebrant qo’shig’i”), ritsarlik romanlari, byurgerlik she’riyati, maysterzang, reformatsiya adabiyoti kabi ilk manbalardan to hozirgi adabiy jarayonlargacha bo’lgan davrlar o’z ifodasini topgan.
Mazkur ishni tayyorlashda o’z maslahatlari bilan darslikni takomillashtirishga ko’maklashgan hamkasblarga muallif o’z minnatdorchiligini bildiradi.