Nizomiy nomidagi toshkent davlat pedagogika universiteti pedagogika va psixologiya fakulteti «psixologiya» kafedrasi

Мавзу бўйича саволлар

1. 
   Нормал тақсимланиш кўрсаткичлари нималардан иборат?
   
2. 
   Мода, медиана ва ўртача қиймат орасидаги ўзаро боғлиқлик мавжуд бўладими?
   
3. 
   Дисперсия нима?
   
4. 
   Стандарт оғиш қандай ҳисобланади?
   

ТАВСИЯ ЭТИЛАДИГАН АДАБИЁТЛАР РЎЙХАТИ:

1. 
   Кричевен А.Н, Шикин Е.В, Дьячков А.Г. Математика для психологов. М. 2003 г.
   
2. 
   Сидоренко Е.Н Методы математической обработки в психологии. Речь, СПб, 2000 г.
   
3. 
   Нишонова З.Т, Қаршиева Д.С. “Экспериментал психология” Т:2007.
   
4. 
   Наследов А.Д. Математические методы психологического исследования. Анализ и интерпретация данных. СПб., Речь, 2004.
   
5. 
   Боровиков В. Статистика. Искуство анализа данных на компьютере. СПб., 2003.
   
6. 
   Суходолский Г.В. Математические методы психологии. СПб., 2003.
   
7. 
   Ермолаев О.Ю. Математическая статистика для психологов. М., 2003.
   

4-мавзу. Нормал тақсимланиш параметрларини баҳолашнинг статистик методлари
Режа:

1. 
   Боксплот тузиш.
   
2. 
   Тақсимланиш асимметрияси ва эксцесс кўрсаткичларини ҳисоблаш.
   
3. 
   Эмпирик тақсимланишнинг эҳтимоллар назарияси билан боғлиқлиги.
   

Таянч сўзлар: нормал тақсимланиш, мода, медиана, ўртача, дисперсия, боксплот, график усул.
Хоссанинг тақсимоти деб унинг турли қийматларини намоён бўлишида кузатилаётган қонуниятларга айтилади. Психологик тадқиқотларда асосан нормал тақсимотларга ишора қилинади.
Нормал тақсимот хоссанинг қуйи ва юқори қийматлари нисбатан кам учраб, ўртача қийматга яқин кўрсатгичлар кўп учраши билан белгиланади. Ушбу тақсимот нормал деб у табиий-илмий тадқиқотларда кўп учраганлиги учун ҳар қандай хоссанинг оммавий тасодифий намоён бўлиши меъёри сифатида қабул қилинган. Ушбу тақсимот турли даврларда турли олимлар томонидан очилган қонуниятга бўйсунади: Муавр (1733) Англияда, Гаусс (1809) Германияда ва Лаплас (1812) Францияда.
Боксплот усулида маълумотларни тақдим этишда медианна, квартиллар орасидаги масофа ҳамда тақсимланиш лимити кўргазмали тарзда акс эттирилади.
Боксплотларни тузишда қуйидагиларга эътиборни қаратиш лозим:

1. 
   Қуйи ва юқори квартилларни қийматларини аниқлаш. Q₁; Q₃
   
2. 
   Квартиллар орасидаги масофани аниқлаш ΔQқQ₃-Q₁
   
3. 
   Ҳаддан юқори ва ҳаддан паст бўлган қийматларни топиш.
   

Юқори сакровчилар-булар Q₃+1,5ΔQ дан то Q₃+3ΔQ диапазонда ётувчи танламалардир.
Пастки сакровчилар-булар Q₁-3ΔQ дан то Q₁-1,5ΔQгача диапазонда ётувчи танламалар ҳисобланади.

2. 
   Экстремал қийматларни аниқлаш.
   

Юқори экстремал қийматлар булар Q₃+3ΔQ дан катта бўлган кўрсаткичлар ҳисобланади.
Қуйи экстремал қийматлар булар Q₁-3ΔQ дан паст бўлган кўрсаткичлар олинади.

2. 
   Максимал ва минимал тўғри тузатилган қийматларни аниқлаш.
   

Тўғри тузатилган максимал кўрсаткичлар бу юқори сакровчи ҳам, юқори экстремал ҳам бўлмаган энг катта сондир.
Тўғри тузатилган минимал кўрсаткичлар бу пастки сакровчи ҳам, қуйи экстремал ҳам бўлмаган энг кичик сонлардир.
Нормал тақсимотнинг график кўриниши тадқиқотчи-психолог нигоҳи учун одатий бўлган қўнғироқсифат эгри чизиққа ўхшайди.
Тақсимот параметрлари- бу хоссанинг қийматлари асосан қаерда жойлашганлигини, ушбу хоссалар қанчалар ўзгарувчан эканлигини, хоссанинг маълум қийматлари асосан қандай намоён бўлишлигини кўрсатадиган миқдорий тавсифлардир.
Амалий жиҳатдан энг аҳамиятли параметрлар қаторига ўртача арифметик қиймат, дисперсия, асимметрия ва эксцесслар киради.
У ёки бу омиллар ўртачадан юқори ёки ўртачадан қуйироқ қийматларнинг кўп учрашига сабаб бўлса асимметрик тақсимотлар вужудга келади. Агар тақсимот қаторида хоссанинг қуйи қийматлари кўп учраси чапёқлама ёки мусбат асимметрия кўзга ташланади. Мабодо хоссанинг юқори қийматлари кўп учраса ўнгёқлама ёки манфий асимметрия кўзга ташланиши мумкин.
Асимметрия кўрсаткичи қуйидаги формула орқали топилади: